يامن اتعصب ومسك المحامي من بدلته/انت اي البرود الي انت فيه دا ها… فرح مش هترجعله انت فاهم….
فرح حطت ايديها على وشها وانهارت م العياط
يامن بزعيق/مش هترجعله
سامح/يا عساكر… طلعوه برا
يامن بزعيق/مش هترجعلك… مش هسمحلك تاخدها
عماد ابتسم/اذن اقدر اخد مراتي وامشي
المحامي/دي مشاكل بينكوا تقدروا تحلوها في البيت
سامح/تمضي هنا على تنازلك عن المحضر بتاع يامن
عماد مضى وجيه يمسك فرح من ايديها
فرح شدت ايدها وبتصوت~انا مش هرجعلك..
عماد نزل على ركبه/حقك عليا يا حبيبتي… مش هعمل كدا تاني
وطى باس ايديها وفرح سحبت ايدها وادته بالقلم على وشه
عماد كز على سنانه ومط شفايفه وهمس /حسابك معايا في البيت
فرح استنجدت بابوها ووطت علأرض تبوس رجله/بابا ونبي متسيبنيش ليه… بابا كفاية عذا ب فيا لحد كدا سامحني على اي حاجه عملتها بس متسيبنيش ليه
عاصي كان واقف ثابت ومتكلمش وعماد شدها من دراعها قومها وفرح بتصرخ بوجع /بابااااا
يامن واقف وقلبه بيتقطع على صريخها /فرح
فرح مسكت ايده مسابتهاش /انا دلوقتي بطلب المساعده منك ارجوك يا يامن متسيبنيش ليه… ياامن
يامن مسك ايديها جامد /مش هسيبك…
عماد/ما خلاص يا باشا شلت القضية الي كانت زعجاك وطلعت مراتي حقيقي ملكش شوق فيها بقا دا انت لسه عارفها امبارح
يامن ضر ب عماد بالبوكس جامد وعماد ساب فرح ومسك بوقه الي خر د م ويامن شد فرح وقفها وراه/محدش هيقربلها طول مانا موجود
سامح طلع /يامن الي بتعمله دا غلط سيب مراته هو هيروح بيها
يامن/انا متخيلتش ان حضرتك تكون متساهل مع القضية بالشكل دا… موقفتش جنب الغلبانه وواقفين جنبه هو
سامح/انا مش بقف مع حد ان بقف مع القانون القانون بيقول انها ترجع بيت جوزها الحكايه مش مستدعيه للطلاق سيب فرح يايامن