بعتوا حد يقت”لني پس وقتها ربنا كان جمبي ونجاني حطولى مخدر”ات وبلغوا عني واتحبست وطول السنه ونص كنت فى السجن لحد لما واحد منهم قالي هنخرجك من هنا بشرط هتكتب على كاميليا وهتخليها تنزل معاك مصر بفستان الفرح ال هيكون فيه البضاعه مقابل أنهم يخلوني ارجع بلدي من غير مايأذوني
غصون بدموع : وانت عملت ايه
سليم : ضميرى طبعا تعبني جدا أن ازاى اكون سبب فى تدمير حد بسبب البضا”عه ال هتنزل كلمت مروان وفهمته على كل حاجه وخليته يعمل حسابه أن يمسكوهم فى المطار متلبسين وقتها عمل كده بس طبعا هما كانوا أذكي وكانوا عارفين ان ممكن اغدر بيهم
وكاميليا مكانتش معاها حاجه وعدت عادي بس انا طلقتها اول لما وصلنا وهي طبعا جت البيت عشان تقنعني اكمل معاها بس وهي دي كل الحكايه وعشان كده مكنتش بكلمك وصدقيني انا كتب كتابى عليها علشان ارجعلكم
غصون صوت شهقاتها كان عالي جدا وقالت بانهيار : كنت هتضيع نفسك حرام عليك حرام عليك
سليم قرب وقعد جنبها وقال بحزن : انتي عارفه أن سافرت عشان اجمع حق ولادتك ياغصون انا ظروفي وقتها مكنتش تسمح حتي انك تكشفى عند دكتور غصب عني والله ده انا سافرت مع صحابي عن طريق البحر عشان مش معايا حق التذكره
غصون اترمت فى حضنه بانهيار وقالت : كل ده حصل ليك وانا مش جمبك انت اتبهدلت اوى ياسليم ياحبيبي