ندي بغل : شوفتي عمل فيا ايه
والدتها : تميم مغلطش يابنتي حطي نفسك مكان أخته ترضي اخوكي يبيعك
ندي بعند : مش هحط نفسي مكان حد وبعدين انتي معاهم ولا معايا
والدتها : مع الحق يابنتي وانا مرضهاش عليكي ابدا يبقا أرضاها على غيرك ليه
ندي : ماما
والدتها : فكرى كويس قبل ماتدمرى بيتك عشان دماغك ال متركبه غلط دي تصبحي على خير
والدتها قالت كلامها وخرجت من الأوضه وندي كانت متغاظه من كلام والدتها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروو
مصطفى كان فى الصاله وحاطط ايده على وشه والباب خبط قام يفتح وشاف محضر
مصطفى : خير
المحضر : زوجتك المدام ساره بدوى مقدمه قضية خلع
مصطفى بصدمه : خلع !!!!!
المحضر : اتفضل أمضى هنا
مصطفى مضى وهو عقله مشتت منه بقا دي ساره ال كانت بتحبه من كل قلبها وتتمني رضاه قاطعه من تفكيره لما الباب خبط تاني فتح وكانت ساره وتميم وادهم
مصطفى بغضب مسك ايدها وقال : ليكي عين تيجي تاني بعد المصيبه دي
ساره زقت ايده بغضب وقالت : كويس أن الدعوه ووصلتلك قبل لما اجي عشان اخد حقي منك كامل
ريناد خرجت من الأوضه وقالت بعصبيه وصوت عالي : ايه ده ايه ده ال بيحصل في بيتي ده وأزاى تدخلوا هنا تاني
أدهم كان واقف ثابت وتميم كذلك ومنتظرين رد فعل ساره
ساره ببرود : قصدك بيتى انا
ريناد بغضب : ايه الكلام الاهبل ده
مصطفى : ساره
ساره : اه نسيت اقولكم بره بيتي انتم الاتنين
الاتنين بصولها بصدمه ومصطفى قال : ايه ال بتقوليه ده
ساره ببرود : اصل نسيت اعرفكم ان ماما ميرڤت قبل ماتمو”ت كتبت البيت باسمى
كانت صدمه ملهاش حل على الجميع تحت ضحك تميم وأدهم عليهم ونظرة الشماته ال فى عيون ساره
يتبع..