معتز : رائي في ايه يا أمي.. هي خدت قررها وبلغت بي سالم.. انا يدوب كده ابارك من بعيد ل بعيد.. زي ما قولتلك.. مبروك
غاليه:لا يا معتز.. ماينفعش دلوقتي تقول كده
معتز بتنهيد:نور كبرت يا أمي.. انا اللي ماكنتش واخد بالي انها كبرت كده.. هي قادره تاخد قرراتها بنفسها.. بعد إذنك انا هقوم اغير عشان انزل الشغل
…..
نور كانت قاعده في المشغل وبدات تشتغل على الفستان الجديد وكل اللي حوليها شغلين
وقفت فجاءه لما سمعت همسات البنات حوليها وضحكهم الخافت
بصت ليهم وشافت سيف جي عليها
في ايده بوكيه ورد احمر
لابس قميص اسود رافع اكمامه وعضلات ظاهره
مع ساعه ذهبيه في أديه
وفاتح نص زرايره القميص
ولابس بنطلون اسود
وريحة البرفان عبئت المشغل
البنات كانت بتتهمس عليه بخجل
ونور كانت متابعه الموقف لحد ما وصل عندها
سيف:صباح الخير يا عروسه.
نور وقفت بغضب:
انت ايه اللي جابك هنا وازاي الأمن سماحلك بالدخول
سيف:هي في واحده بردو تقول ل خطبها كده
جيت اشوفك.. ونفطر مع بعض بره
نور:انا عندي شغل.. ومش هيخلص دلوقتي
سيف:ممكن اي حد يعمل شغلك مكانك.. مش هنتاخر.. انا محتاج اتكلم معاكي في الكلام اللي دار امبارح بينك وبين عمي.. ممكن
نور وافقت بعد تفكير:ماشي
سيف قدملها الورد:اتمنى يعجبك
نور خدت منه البوكيه:شكرا
سيف:يلا
مد ايده عشان يمسك اديها