سليم: شكرًا مره تانية هستناكي بليل في الحفلة
فتون: اوكي وقفلت الخط وهي بتضحك بخبث وتقول: دي هتكون ضربة ليكم يا عيلة النمر صبرًا
فتون خرجت من المكتب لقت فاطمة بتتفرج على التليفزيون
فتون قعدت جمبها وهي بتقول: بطوط
فاطمة: بطوط عاوزة اية من الآخر يا فتون
فتون: عيلة النمر عاملين حفلة على شرفي هتيجي معايا
فاطمة بخوف: انتي عاوزه تروحي هناك لية يا فتون لا متروحيش
فتون بشك: في اية يا ماما انتي خايفة كدا لية هو في حاجة أنا معرفهاش
فاطمة بتوتر: ها هيكون فية اية يعني يا فتون مفيش حاجة
فتون بشك أكبر: اتمني
فاطمة خلاص هتنهار بس قررت تعرف فتون كل حاجه بدل ما تعرف من بره
فاطمة قامت دخلت اوضيتها جابت ورقة واديتها لفتون وقالت: افتحيها
فتون: في اية يا امي بس
فاطمة بصرامة افتحيها
فتون فتحت الورقة واتصدمت من إنها قسيمة الجواز بتاع أمها اتصدمت اكتر لما شافت إسم محمود
فتون: يعني اية يعني انتي اتجوزتي محمود بعد مoت بابا طب لية معرفش ولية مش عايشة معاه وهو اتجوزك لية ماما انا مش فاهمة حاجة
فاطمة بتماسك: ابوكي ميبقاش مصطفي خليل أبوكي يبقي محمود سالم النمر
فتون وقفت مرة واحدة وبصت لـ فاطمة وقالت بصوت مهزوز: انتي بتهزري صح قولي كلام غير دا قولي اللي المفروض أبويا كنا بنتعامل قدامة زي الخدامين ومدافعش عننا انتي لية مش مسجلاني باسمة أصلًا ؟ لية محدش يعرف أنه اوي
فاطمة خلاص جمودها اتبخر وقعدت على الكنبة وهي بتقول: كله من مرات أبويا واخواتي هما اللي رخصوني بس غصب عني حبيته وهو مقدرش حبي لية داس عليا باو’سخ جذمة عنده يا فتون
فتون بصت ليها بجنون لقت قدامها فازة مسكتها ورزعتها في الحيطة وبصت لـ فاطمة اللي باصلها بقلق وقالت بحزم: عاوزة أعرف كل حاجه