محمد : امسحى دموعك بقا مش عايز اشوفك بتعيطى
يارا بدموع : حاضر
محمد : يلا بينا ، المفروض انك خارجة من غير منا اعرف او ابقى موجود علشان كدا عربيتى ماجتش بيها امبارح وانتى هتخرجى تركبى تاكسى عادى
يارا : ماشى ، يلا
خرجت يارا من الفيلا وركبت تاكسى وقالت له ان يتحرك وبعدها ب خمس دقائق وصل لها رسالة على هاتفها من رقم مجهول ولكن فيه عنوان فأخبرت يارا السائق عن العنوان
السائق : اول ما نوصل لأخر الشارع ده هقف جمب عربية بالظبط هتخرجى من الباب للباب على طول من غير ما حد ياخد باله وواحدة تانية هتقعد مكانك
يارا وقد فهمت ان السائق ظابط : حاضر
وصلوا الى السيارة وتم بالفعل المطلوب وركبت يارا السيارة فى طمأنينة وتحركت بها السيارة ولكن ليس الى طريق المنزل ، لا ليس هو ، بل الى طريق العنوان الذى وصل اليها على هاتفها
يارا : انت رايح فين
خالد : رايحين ل كيمو انتى نسيتى ولا ايه
يارا بصدمة : خالد !!!!!!
محمد بعصبية : ازاى يعنى يا حسام نزلت وركبت عربية تانية غير المفروض انها تركبها ومش نفس المكان
حسام : معرفش يا محمد فجأة التاكسى وقف وبعدها مشينا ورا التاكسى ووقفناه ولكن مالقناش فيه يارا
محمد وهو يخبط بيده على السيارة : غبى غبى ، انا غبى ، ازاى ماحطتش فى دماغى انهم ممكن يفهموا خطتنا ازااااى
حسام : اهدى بس وهنلاقى حل
محمد : حل ايه ، خلاص راحت من ايدينا
وقف حسام ومحمد وهم يفكرون و كان محمد حزين جدا لما حدث فهو وعدها انها ستكون بخير ولكن حدث العكس
ولكن وصل له فى تلك اللحظة رسالة على هاتفه ، رسالة من يارا وفيها العنوان فقط
خالد : كريم هيفرح اوى لما يعرف ان الخطة نجحت من غير ما البوليس ياخد باله
يارا : هو ايه اللى بتعملوه يا خالد نفسى افهم
خالد : ده شغل كدا مش هتفهمى فيه
يارا : بس خالد وكريم اللى اعرفهم من الجامعة مايقتلوش ومايتاجروش فى المخدرات ولا يرهبوا الناس ولا يفجروا ولا يقتلوا
خالد : يا ماما انتى عايشة فى مصر، يعنى تتوقعى كل حاجة وبعدين هى البلد اديتنا ايه يعنى علشان نبقى مواطنين صالحين ، ما تردى
يارا : ولنفرض ، ماتعملوش كدا بردو
خالد : ده الحل اللى كان قدامنا ، اه صحيح لو رجع الزمن بيا ماكنتش هختار الطريق ده بس خلاص انا اتدبست فيه وماينفعش ارجع لان الشغل ده اللى يعوز يسيبه بيسيبه بس بسيبه من الدنيا كلها وبيموت ، فهمتى ، يلا بقا احنا وصلنا