محمد ينام وفجأة يلاقى موبايله بيرن برقم غريب ويرد
محمد بصوت فيه نوم : الو
هدير : ايوة يا محمد ازيك
محمد بأستغراب : مين ؟
هدير : ياااه معقول نسيت صوتى
محمد : مش واخد بالى والله ، مين بقا
هدير : انا هدير يا محمد
محمد بزهق : اممممم ايوة يا هدير
هدير : ممكن يا محمد تسمعنى
محمد بزهق : هدير ، انا عايز انام ، طول اليوم شغال ومش قادر، ممكن
هدير : حاضر يا محمد بس هكلمك بكرا
محمد بجدية : ماشى ، سلام
هدير : سلام
______________________________________________________________________________
هدير تقعد تفتكر
flash back
هدير بحزن : محمد انا بحبك
محمد : وانا يا هدير بحب هايدى وهتجوزها
هدير بدموع : بس انت كنت بتحبنى
محمد : اديكى قولتى اهو ، كنت
هدير : امال ايه اللى غيرك كدا من ناحيتى
محمد بعصبية : علشان انتى انسانة مابتحبيش غير نفسك ومظهرك وبرستيجك وبس وانا اتحرق
هدير بحزن : خلاص اسفة وههتم بيك بعد كدا
محمد بجدية : خلاص فات الاوان، بعد اذنك بقا ورايا شغل
ويمشى وهدير تنهار فى العياط
back
هدير بدموع : انا اسفة يا محمد بجد على اللى عملته بعد كدا ليك وانت ماتعرفش
بجد اسفة
خليت حياتك تعيسة من بعد مامشيت فى اللحظة دى وانت لحد دلوقتى ماتعرفش اللى عملته
اسفة بجد
وتنهار فى العياط
*****************************
هدير بدموع : انا اسفة يا محمد بجد على اللى عملته بعد كدا ليك وانت ماتعرفش
بجد اسفة
خليت حياتك تعيسة من بعد مامشيت فى اللحظة دى وانت لحد دلوقتى ماتعرفش اللى عملته
اسفة بجد
وتنهار فى العياط
محمد بتفكير : ايه اللى فكرك بيا تانى يا هدير وايه اللى رجعك، مش كفاية اللى حصل وماصدقت نسيت ، بتفكرينى باللى فات ليه بس
flash back
محمد بإبتسامة : اتفضلى يا ستى دعوات فرحنا اهي
هايدى بفرحة :: بجد ، حلوة اوى يا حبيبى
محمد بإبتسامة حب : انتى احلى
هايدى بكسوف : بس بقا الناس هياخدوا بالهم
محمد : ما ياخدوا بالهم ، انا محدش يقدر يكلمنى
هايدى بضحك : اه علشان ظابط مفترى
محمد : اممممم مفترى ، طب استنى بس لما نتجوز وهقطعلك لسانك ده
هايدى : هههههه ماتعرفش
محمد : كان عندى مهمة الاسبوع اللى فات وقبضت على اكبر تاجر مخدرات فى البلد بس ابنه هرب ، هروح اقبض عليه واجيلك
هايدى بخوف : تقبض على مين ، وانت بتقولها بسهولة كدا ليه ، محسسنى انك رايح شرم وراجع
محمد بإبتسامة : ماتخافيش عليا وبعدين انتى ماتعرفنيش ولا ايه وكمان مش فرحانة بالترقية الجديدة
هايدى بإبتسامة : فرحانة يا حبيبى بس خلى بالك من نفسك
ويجى ناس مسلحين ومحمد يشوفهم ويطلع المسدس
محمد بصوت عالى : هاااااايدى حاسبى
ويشدها والناس يضربوا نار عليه وهايدى تتصاب برصاصتين وتقع ومحمد يقوم ويضرب عليهم ويقتل منهم 2 والباقى يهرب
ويرجع تانى لها وهى واقعة على الارض
محمد بحزن ودموع : هايدى قومى انا طلبت الاسعاف وهتبقى كويسة
هايدى وهى بتطلع فى الروح : محمد ماتنسانيش ، انا بحبك ، ادعيلى
محمد بدموع : لا هتبقى كويسة والله ، علشان خاطرى ماتسيبينيش
هايدى بضعف : لا يا محمد مش عايزة اشوفك بتعيط ، انت قوى ومش انت اللى تعيط
محمد بدموع وحزن : لا انا ابقى ضعيف من غيرك يا هايدى