_جوز حضرتك عليا ديون وصلت ل ربع مليون
ثريا بصدمه: اي
_ثريا ادخلى جوا (قالها كل بعصبية)
_عملت بيهم اي يا منير
منير:_______
_رد ساكت ليه عملت اي بالربع مليون
_خدوا فوراً
_اتفضل معانا لو سمحت
منير راح معاهم فعلا وثريا طلعت وراهم وقالت بزعيق: انتوا رايحين فين وواخدين جوزي ليه
_ثريا ادخلى الوقت متأخر اوى
مسكت في هدومه وقالت: مقولتليش ليه
حط ايدو على خدها وقال بحزن شديد: غصب عنى خدي بالك من نفسك
بعد ما قال الكلام ده ركب البوكس وقال باخر جمله: خدي بالك من نفسك يا ثريا
بعد ما قال كده العربيه مشت
ثريا طلعت تجري وقالت بعياط: استنوا استنوا
وقعت على الارض والدموع نزلت من عينيها وقالت: ينهار اسود اعمل اي دلوقتى
قامت من على الارض ودخلت البيت وقالت: اعمل اي دلوقتى اجيب ربع مليون منين
_حور حور
قالت بتردد: لا لا مينفعش حور ونغم يعرفوا ان ابوهم دخل السجن مينفعش
في قصر عائله السيوفي خصوصاً برأ القصر
حور وامير طلعوا وغسان كان منتظرهم يطلعوا
امير فتح الباب وركب عالطول
حور فضلت واقفه وغسان بصلها وقال: هتفضلى واقفه كده كتير
امير طلع راسه من الشباك وقال: يلا يا اميرتى
حور خدت نفس عميق وحاولت تفتح الباب لكن مفتحش
_تعالى قدام
حور بعناد: لا انا هقعد وراء جنب امير
غسان بصوت حاد جدا: قولتلك تعالى قدام مش عايز عناد
حور شهقت وركبت قدام فعلا
في الطريق
_خالو احنا رايحين فين
_مفاجاه يا قلب خالو
امير شاف شنطه وفتحها وقال: شنطه مين ده يا خالو
غسان بص في المرايه وقال: اوعك تفتحها
امير رمها تحت عالطول وقال بارتباك: مفتحتش حاجه
_مالك خايف كده ليه
_لا مش خايف واستعجل شويه عايز اعرف المفاجاه اي
غسان بص لحور اللى مكنتش عاطيه اهتمام لغسان خالص
_هتعجبك أن شاء الله
(غسان كان بيقول كده لحور وليس لامير)
في فيلا مراد الألفي
كان قاعد على الكرسي في الجنينه وماسك كاسه في أيده وقال: تصدقي الفيلا وحشه اوى من غيرك
مراد ابتسم وقال: يومين بس يا نغم وأثرتي فيا
بدأ يشرب من الكاسه وقال: مكنتش اعرف انى عصبي كده
مراد مسك تليفونه ورن على منصور اللى فتح التليفون عالطول وقال: الووو
_كله تمام يا جدو
منصور هز رأسه وقال: للاسف البنت لسه متاثره باللى عملتوا يا حفيدي
مراد شرب بوق من الكاسه وقال: ولحد امتى يا جدو
_ادينى يومين بس وبوعدك هترجع زي الاول واحسن
_انا مش عايزها تخاف منى يا جدو
_ان شاء الله يا حفيدي
_هي فين
_قالت انها عايزه تنام
مراد باستغراب: بدري كده
_ده دخلت الساعه ٨ قولتلها لسه بدري قالت إنها بتنام بدري
مراد ضم حواجبه وقال: نغم مش بتنام دلوقتى
_معلش فتره وهتعدي
مراد خد نفس عميق وقال: جدو انا عايز اسمع صوتها
_ده نامت يا ابنى
_ارجوك يا جدو اعمل اي حاجه
منصور قام وقال: خليك معايا
_تمام
خبط على الباب وقال: نغم نغم
بعد مرور دقيقتين تقريبا نغم لم ترد على منصور اللى قال: اعتقد انها نايمه
مراد حس بالخوف وقال: نغم عملت في نفسها حاجه يا جدو
منصور ضم حواجبه وقال: انت بتقول اي يا ابنى
مراد بعصبية: زق الباب اعمل اي حاجه انا هاجى فورا
مراد قفل التليفون ومنصور قال بانتهاد: مراد
مسك الجاكيت ومفتاح العربيه وطلع عالطول
منصور خبط على الباب وقال: نغم بنتى افتحى الباب
بعد شويه نغم فتحت الباب أخيرا وقالت: معلش كنت نايمه هي الساعه كام
منصور خدها في حضنه وقال بحب: خفت عليكى اوى
_معلش كنت نايمه مسمعتش حضرتك
بعد عنها وقال: الحمدلله انك بخير
بعد مرور ربع ساعه تقريبا
مراد خبط على الباب جامد اوى وقال: جدو جدو
نغم بارتباك: م مراد
_متخافيش يا بنتى انا جنبك
نغم هزت رأسها ومنصور فتح الباب ليدخل مراد ويقول بصوت جهوري: نغم فين
وقتها نغم خافت اوى وفكرت ان مراد جاي ياخدها
_مراد اهدا البنت كويسه
مراد راح عند نغم واخدها في حضنه (بخارج إرادته)
نغم زقته عالطول ودخلت الاوضه
مراد خد نفس عميق ومنصور حط ايدو على كتف مراد وقال: رنيت عليك كتير عشان اقولك البنت بخير بس حضرتك مردتش
_كنت خايف اوى يا جدو
_بتحبها
مراد بص لمنصور وقال باستغراب: بحبها
منصور هز رأسه وقال: ايوه بتحبها
مراد قعد وقال: انت عارف انا بحب مين يا جدو وانت عارف انى قفلت قلبي من بعدها
_لحد امتى يا ابنى
_مش قادر يا جدو مريم حبي الاول والاخير
_طب اتجوزت نغم ليه
مراد بص لتحت وقال: عشان مريم كانت هتتجوز
_واخدت الغلبانه ده وسيله لخططك الشيطانية
مراد هز رأسه وقال: والله بعامل نغم احسن معامله يا جدو
منصور بتريقه: لا واضح
_ما قولتلك كانت لحظه غضب
منصور مسك ايد مراد وقال: لازم تمشي ويا ريت متجيش هنا تانى
مراد قام وقال بحزن شديد: حاضر
منصور حضنه وقال: متزعلش منى بس البنت مش متقبله وجودك خالص
هز رأسه وقال: عارف
_تصبح على خير
مراد وهو طالع: تلاقي الخير
مراد طلع وركب العربيه وحط دماغه على الدركسون وقال: جدو معا حق لحد امتى هعلق نفسي في واحده مش فارق معها
شغل العربيه ومشي
كانت بتجري وبيجري وراها اربع شباب
_اعاااااا ساعدوني
مكنش في ولا مخلوق على الطريق
مسك ايدها وقال وهو بيتنفس: اوقفى بقا تعبتينى معاكى
_سيب ايدي بقولك سيب ايدي
حاولت تقاومه لكن فشلت لأنها كائن ضعيف قدام تلك الوحوش
_هتعمل اي يا معلم
ضر”به بالقلم وقال: بجري وراها بقالى ساعه ومش عارف هعمل اي