عفاف قامت وقالت: انا همشي أوعك تنسي تاكلى
حور هزت رأسها وعفاف طلعت وقفلت الباب وراها وقالت بكل خبث: مسكينه
حور سمت وبدأت تاكل فعلا
حور طلعت الاكل من فمها عالطول
_اعاااااا الاكل حار اوى
حور بدأت تدور على مياه مالقتش
حاولت تقوم لكن مقدرتش بسبب رجليها
حطت أيدها على فمها وقالت: مش طايقه نار في فمى
بدأت تتسند على الحيطه لحد ما طلعت من الاوضه
كانت مستعجله اوى وقالت: اتاخرت اوى
حور دخلت في رهف اللى سندتها عالطول
_حور انتى بخير
_رهف عايزه مياه
رهف بخوف: حور انتى كويسه
عينها كانت حمره اوى وقالت: الاكل كان حار اوى ومش طايقه فمى
رهف سندت حور لحد اوضتها وقالت: ارتاحى وانا هجبلك مياه مش هتاخر
حور هزت رأسها ورهف طلعت عالطول
نزلت تحت وعفاف باستغراب: مالك يا رهف مستعجله كده ليه
رهف دخلت المطبخ ومردتش على امها
بعد مرور ثلاث ثوانى تقريبا
رهف طلعت وكان في أيدها مياه وجلاش
_واخده المياه ده لمين والجلاش ده
رهف وهي طالعه على السلم: في حد حط شطه في اكل حور
وقتها عفاف بلعت ريقها ورهف راحت لحور عالطول
رهف مسكت جلاشه وقالت: كلى ده
حور خدت منها ازازه المياه وفتحتها عالطول وشربت
_حور مينفعش المياه بعد الحار كده هتتعبي
حور شربت الازازه كلها وقالت: يالهههوي كنت حاسه انى بولع
_يا بنتى المياه بعد الحار غلط كنتى اكلتى حته الجلاشه احسن
حور ابتسمت وقالت: شكرا يا رهف
رهف ابتسمت أيضا وقالت: على اي يا قلبي
ثم كملت: انا لازم امشي اتاخرت اوى على الجامعه سلام
_خدي بالك من نفسك
رهف وهي طالعه: حاضر
في فيلا مراد الالفي
فاق من النوم وكان مصدع اوى نتيجه السهر وشرب الخ”مر
مسك التليفون وقال باستغراب: غريب غسان مرنش
مراد حط السماعه البلوتوث في ودنه ورن على غسان
_صباح الخير
_صباح النور
_بترن ليه في حاجه
مراد رفع حاجب وقال: اي ده انت كويس
_ماشي يا ابو دم خفيف متتاخرش
_وانا فكرتك اتغيرت على العموم انا مش جاي الشركه النهارده
غسان ضم حواجبه وقال: ليه
طلع بدله سوده وقال: هتعرف الصبر بس
غسان بشك: مراد
_متخافش يا غسان المره ده مش هاخد اي قرار خاطى
_امممم اتمنى سلام
_سلام ٠٠٠٠٠مراد قفل التليفون ودخل الحمام لياخد شاور ويلبس البدله ويطلع من الحمام وهو كامل أناقته ووسامته
رش البرفان الخاص بيا ونزل
الجرس رن ومراد بص في الساعه وقال: جيتى على الوقت بالظبط
مراد فتح الباب وقال: شكلك بتحبي النظام اوى
نغم دخلت وقالت: انا لسه عند قراري
مراد دخل أيضا وقال: وانا لسه عند وعدي ليكى
نغم هزت رأسها وفجاه دخل المأذون ومعا شابين يبقوا اصدقاء مراد
_مش يلا
الدموع نزلت من عينها ومش عارفه اذا كان اللى بتعمله صح ولا غلط
_بتفكري في اي
نغم قعدت على الكرسي بل المأذون ومراد
في منزل الهواري
_نغم نغم
فتحت الباب وقالت: انتى لسه نايمه فوقي بقا
رفعت البطانيه وانصدمت لان نغم مكنتش موجوده وكانت حاطه مخدات على السرير بمعنى انها نايمه
_منير منير
قام بفزعه وقال: في اي
مسكت في هدومه وقالت: نغم نغم مش موجوده في اوضتها
قال بصدمه: اي
هزت رأسها وقالت: حطت المخدات على السرير عشان نقول إنها نايمه
منير خد الجاكيت وطلع عالطول وافتكر كلام نغم امبارح
_نغم هتتجوز مراد
طلع على الطريق العام ومكنش في ولا عربيه راضيه تقف
_اعمل اي دلوقتى لازم الحقها قبل ما تعمل كده
منير بتفكير: حور حور
طلع التليفون ورن على حور اللى مكنتش بترد
( لان تليفونها مش معاها وطبعا انتوا عارفين اي اللى حصل)
رن على عفاف اللى فتحت التليفون وقالت: منير بيه
_مدام عفاف ادينى حور
عفاف باستغراب: انت كويس
_ارجوكى ادي التليفون لحور
عفاف راحت اوضه غسان وقالت: حور حور
_خالتى
_خدي والدك عايز يتكلم معاكى
حور مسكت التليفون وقالت بفرحه: بابا
منير بصوت مقطع: اختك اختك نغم
حور انتفضت وقالت بخوف: مالها
خد نفس عميق وقال: اختك هتتجوز من مراد الالفي
حور بصدمه: اي
فاقت من الصدمه ورمت التليفون جنبها لتقول عفاف بعصبية: انتى ازاى تعملى كده
حور لم ترد على عفاف وبدأت تتسند على الحيطه لحد ما نزلت تحت
_عمى ابراهيم عمى ابراهيم
_حور
حور مسكت في هدومه وقالت: فين العربيه
_العربيه في الصيانه يا بنتى
حور طلعت عالطول وإبراهيم قال: في اي يا مدام حور
طلعت على الطريق العام ووقفت عربيه
_مراد الالفي تعرفوا
_هو مين ميعرفش مراد الالفي
_خودنى بيته لو سمحت
_هو حاليا عايش في فيلا لوحده
_خدنى مكان ما هو موجود
هز رأسه وشغل العربيه ومشي
الدموع نزلت من عين حور وقالت: اخص عليكى يا نغم بقا انا اضحى بحياتى عشانك تروحى في الاخر تعملى كده
_استعجل شويه لو سمحت
_اكتر من كده هنعمل حادثه
في شركه السيوفي والالفي (شراكه)
_اروي
دخلت عالطول وقالت: نعم يا بيه
_الاجتماع الساعه كام
_فاضل ساعه يا بيه
_طب هاتى كل الملفات
هزت رأسها وقالت بارتباك: ملفات اي
غسان بعصبية: انتى بقره قولتلك هاتى كل الملفات
قالت بكل ارتباك وتوتر: حاضر يا بيه
طلعت عالطول وفجاه تليفون غسان رن
فتح التليفون وقال: الووو
_اخبارك اي يا عدوى
غسان ابتسم وقال: منتظر اتصالك من زمان اوى
_معلش كنت مشغول المهم انا عامل حفله صغيره كده
_والمناسبه
_اتعاقدت مع ناس من برا مصر وصفقه كبيره اوى وزودت ربح كبير للشركه
_الف مبروك
_ التهنئه ده مش هتنفع على التليفون تعالى الحفله بكره
غسان ابتسم وقال: من عيونى
_يسلم عيونك
غسان قفل التليفون وقال: شكرا على العزومه يا سامر
سامر بشر: وبكده هنقدر نق”تلك بكره يا مغرور
بعد مرور ربع ساعه تقريبا
في فيلا مراد الالفي