ميرسي يا شريف اوي
كان متابع الحوار عمرو اللي قبض علي ايده بغضب وحاول يتحكم في اعصابه وقال بجمود :
مش يلا بينا بقي ولا هنقف نرغي
حور استغربت طريقة عمرو ومشيت بهدوء وراه وركبت جمبه من غير تكلم وبصتله بس هو اتجاهلها وقال لشريف:
هنعدي علي خطيبتك الاول يا شريف طبعا فاوصفلي العنوان بقي
شريف حط ايده في جيبه عشان يطلع الموبايل وقال بهدوء:
ااه يا عمرو ،، انا هرن عليها عشان تستعد وفجأة كمل بضيق ،،
يا خبر انا نسيت الفون ،، ثواني هجيبه بسرعه وانزل ونزل شريف من العربية وحور كانت مستغربة عمرو لانه اول مرة يبان عليه الضيق كدة ،، من يوم الاتفاق وهو بيعاملها كويس اوي لدرجة انها اتعودت علي طيبته وحنيته معاها فبصتله بتر بس لقيته متجاهلها وباصص قدامه فقالتله بخوف :
عمرو
عمرو غمض عينه واتنهد بحيرة اول ما سمع اسمه منها ده غير ضربات قلبه اللي ذادت فجأة كدة فرد بهدوء من غير ما يبصلها :
نعم يا حور
حور اضايقت وحست انها هتعيط عشان هو مش بيبصلها حتي وهو بيرد عليها وواضح انه زعلان منها ففقالتله بص مخنوق :
انا اسفة يا عمرو بس متزعلش مني
هنا عمرو لف وشه وبصلها بحيرة وقالها بتنهيدة :
بتتأسفي ليه يا حور دلوقتي
حور ودموعها خانتها ونزلها :
عشان انت مضايق وشكلك زعلان مني ،،لو انا عملت حاجة ضايقتك مني انا اسفة اوي بس بلاش تعاملني كدة
عمرو بص لحور وابتسم بحب ومد ايده ومسح دموعها بايديه وهو مركز في عيونها وقالها بتوهان :
صدقيني انا مش زعلان منك ،، انتي ملكيش ذنب في اي حاجة ،، انا اللي اسف يا حور ،،
حور ابتسمت بخجل وقالتله بفرحة :
يعني انت دلوقتي مبقتش زعلان ولا مضايق ؟
عمرو حرك راسه بنفي وقالها :
لا يا حور انا مش زعلان ولا مضايق ،، وبص عمرو لحور بغموض وكمل كلامه وقالها ،، احم اعتقد ان شريف بدأ يشوفك زي ما انتي عايزة
بصت حور قدامها بتر واحساس غريب مش عارفة توصفه او تفسره لنفسها هل هيا فرحانه ولا زعلانة ولا ايه ،، بس اللي هيا متأكدة منه ان مش ده احساسها اللي كان قبل كدة ،، وكان متابع تعبيراتها عمرو بقلق وخوف كان نفسه حور تقؤله انها مش فارق معاها شريف وانها مبقتش تحبه بس للاسف متكلمتش وفي نفس الوقت جه شريف وركب وهو بيقؤل :
يلا بينا يا جماعة،، انا جبت الفون
………………………….
في الكافيه كانو قاعدين كلهم بيتكلمو وكانت دينا ماسكة ايد شريف وبتتكلم بعفوية وهزار وفي نفس الوقت كانت عيون حور علي ايديهم وبتفكر وبتسأل نفسها ليه مبقتش تضايق زي الاول ،، ليه من جواها بقت حاسة انه عادي شريف يكون مع البنت دي زي ما هيا مكانها مع عمرو ،، حجات كتير ابتدت توضح لحور وكان متابعها عمرو بخيبة امل واحساس بالخزلان وفجأة انتبهو كلهم لص اغنية اشتغلت في الكافيه فرفعت حور عنيها وشافت الويتر جايين بتورتة كبيرة مكتوب عليها حور وصورة حور عليها فشهقت حور بصدمة وبصت لعمرو وهيا مش مصدقه انه عمل كدة عشانها فابتسم عمرو ليها واتفاجأت حور اكتر لما سمعت ص زينب ونادية اللي جم وهنوها بعيد ميلادها والكل كان حواليها ماعدا شريف اللي كان بيبص لحور وهو بيبتسم ،، جايز تكون ابت ندم علي اختياره بس الاهم انه كان من جواه سعيد لعمرو اخوه علي اختياره بنت زي حور ،، حور بعد شوية وهيا قاعدة مع زينب ونادية كانت بتدور بعينها علي عمرو وشافته واقف بعيد بيتكلم في التليفون فقامت وقربت منه ولما شافها ابتسم وقفل الخط وقالها بحب :
كل سنة وانتي طيبة يا حور ،، ويارب تحققي كل احلامك
حور ابتسمت وقالتله :