هو انتي شايفة ان اللبس اللي انتي جاية بيه ده محترم وكويس
دينا رفعت حاجبها بغيظ وبعدين قالت ببرود وهيا بتحط رجل علي رجل :
ماله لبسي يا طنط ،، انا شايفاه
كويس اوي واستايل يعني
ل نادية وشها وقالت لدينا بسخرية :
كويس ! ده ضيق ومفتح يا حبيبتي ومينفعش يتلبس غير في بيتكم ،، انا معرفش ابوكي وامك فين من ده كله وازاي سايبينك دايرة كدة مع شاب غريب عنك
شريف بص لامه بضيق واحراج اما دينا فقامت بغضب وبصت لشريف وسابته ومشيت وشريف قام بعصبية وقبل ما يلحقها بص لامه بضيق وقال :
.
يعني ينفع كدة يا ماما بتحرجيها قدامي هو ده اللي طلبته منك
بصتله نادية بهدوء وقالت بسخرية :
ومين قالك اني قاصدة احرجها هيا يا شريف ،، انا كان قصدي احرجك انت يا راجل يا محترم ياللي قابل علي نفسك وراضي ان البنت اللي هترتبط بيها بقي مراتك وشايلة اسمك تمشي معاك بمنظرها ده وكمان من ورا اهلها ويا عالم عملتها مع كام شاب قبلك
شريف اضايق من كلام امه لميحاتها ليه واتنهد بغضب وسابها ومشي وفي نفس الوقت زينب بصت لنادية بعتاب وهي بتقؤلها :