….. أخبارك ايه يا ملك يا بنتي … أنا جاي النهاردة مخصوص عشان اطمن عليكِ رديت عليه وقُلت له :
…….. الحمد لله أنا بخير بس برضه محتاجة أفهم من حضرتك حاجات كتير قالي :
…….. أنا معنديش كلام تاني اقولهولك …. معنديش أكتر من اللي قلته قبل كدا قُلت له وأنا بعيط :
….. تقريبا كدا كلامك كله صح … أنا مش عارفة أتصرف إزاي أو اعمل إيه قالي بسرعة :
…… أمشي يا بنتي من البيت ده بسرعة …. أمشي قبل فوات الأوان …..وقبل ما أرد عليه سمعت صوت خطوات بطيئة جاية ناحيتنا ركزت مع الصوت لاقيتها …. كانت ماشية بالعافية عشان تيجي عندنا …. بصّت علينا جامد أوي .. ووجهت كلامها لوالد وليد وقالت له :
…… أنتَ إيه اللي جابك هنا …. عايز مننا إيه تاني
قالها :
…. جيت عشان أحذر بنت الناس منكم. .. بنت الناس اللي مخدوعة فيكم قالت له بصوت ضعيف :
… أمشي أطلع برا …. عليك يا أخي قالت الجملة دي وفضلت جامد …ماكنتش قادرة تتحكم ف أعصابها …. قربت عليها عشان اساعدها بس للأسف ملحقتش ….. ف ثواني وقعت على الأرض واغمى عليها ….