منه بعد الشر عليكي يحبيبتي
اسماء يا منه انا لازم انزله عشان اول ما احمد يبقي كويس هطلب منه الطلاق قالت كلامها ودموعها اللي نازله بغزاره
منه ليه يا اسماء كده هو ذنبه ايه
اسماء هو ايه اللي ليه. ابوه خلاهم يجرجروني ويرموني براا المستشفي وانت تقولي ليه واما بقا عن احمد هو ذنبه ايه فهو
السبب في اللي انا فيه ده اتصرف بتهور وقدر يقنع بابا واتجوزني من وراء اهله
واكملت وهي بتقوم وبتلبس الحجاب انا هنزل اللي في بطني ده انا مش عاوزه اي حاجه تخليني معاه دقيقه واحده
منه لاء يا اسماء مش هسمحلك تعملي كداا
اسماء يا منه ارحميني بقا خليني ادفن الحب ده وكل حاجه وارجع لحياتي البسيطه مع ماما وبابا انا احمد مش ليا من الاول يا منه
يريتني سمعت كلام ماما يريتني اخدت اهانات الناس من الاول وسخريتهم من حبي لوكيل النائب العام وبعدت عنه
منه مسكت ايد اسماء وحطتها علي بطنها
اسماء حست بقلبها انتفضت بمجرد انها حطت ايديها وادراك انها عاوزه تموت ابنها بايديها
منه حسيتي بايه
اسماء عيطت وحضنت منه حاسه وكأنه جزء من روحي
منه ادخلي اتوضي وصلي وادعي ربنا يقف جمبك انت وابنك ويشفيلك جوزك اللي هو النص تاني من روحك
اسماء حاضر يا منه ودخلت اتوضت
منه دخلت اوضه تانيه وفتحت في العياط ليه يارب يحصل فيها كل ده هي معملتش حاجه وحشه
سليم هكلم منه اسألها علي اسماء
منه مسحت دموعها وبصوت مخنوق كويسه الحمدلله
سليم مالك يا منه
منه انا زعلانه اووي عشان اسماء ليه يحصل فيها كداا هي ذنبها ايه ان انت اخوها رد السجون وان احمد وكيل نيابه
سليم ده بيبقي نصيب
منه طب انت هتودبها بكرا تروح تشوف احمد
سليم هحاول اعرف ادخلها بطريقه رجالة سيف محاصرين المستشفي كلها
منه لاء لازم تتصرف وتعرف تدخلها عشان تتكلم معاه
سليم حاضر
اسماء وقفت تصلي وهي ساجده يارب ارحمني يارب انا تعبانه والله مش قادره ومش عارفه اعمل ايه ودموعها اللي غرقت
السجاده لحد ما نامت علي سجاده الصلاة ومحستش بنفسها
منه قعدت لوحدها برااا وبعدين دخلتلها شافتها نايمه علي الأرض اترعبت عشانها
اسماء حبيبتي ف ايه
اسماء قامت متخافيش يا منه انا نمت
منه بحنيه طب قومي يلا
واخدتها نيمتها علي السرير وغطتها وقعدت جمبها وماسكه ايديها وبتحاول تطمنها
اسماء بتبص لمنه بعيون كلها دموع
عارفه يا منه انت احن عليا من كل الدنيا دي
منه بهزار اممم وبغمزه احن من احمد نفسه
اسماء لاء احمدحنيته حاجه لوحدها كدا
منه بغيره من احمد اللي بيشكل جزء كبير من حياتها
طيب يختي اشبعي با احمد بتاعك ده وبحنيته وسابتها وطلعت
اسماء ضحكت غصب عنها هبله بتغيير عليا من جوزي
في صباح يوم جديد
عند احمد في المستشفي
احمد بيفوق وحط ايده علي رأسه بألم اهااا
الممرضه طلعت تنادي للدكتور بسرعه
الدكتور جيه وعمل اللازم
الدكتور حاسس بايه يا باشا
احمد بألم دماغي هتتكسر هو في ايه
الدكتور حضرتك عملت حادثه وكنت بتنزف الخبطه اثرت عليك شويه بس انشاءالله هتبقي كويس
الف سلامه عليك
احمد الله يسلمك
طلع الدكتور لعيله احمد كلهم كانوا واقفين برااا
سيف طمني يا دكتور احمد عامل ايه دلوقتي
الدكتور اطمنوا هو كويس وفاق الحمدلله
سيف بتنهيده طب انا ممكن ادخله
الدكتور اه طبعا هتدخلوا بس بلاش كلكم مره واحده يعني
مريم انا اهدخله انا الاول وفتحت الباب ودخلت راحت علي احمد الف سلامه عليك يحبيبي
احمد اتعدل الله يسلمك يا ماما
مريم حضنته وعيطت كنت خايفه عليك اوووي
احمد بحنيه انا كويس يحبيبتي متقلقيش
مريم مرآتك جات هنا امبارح
احمد اسماء جات هنا
مريم ايوا جات
احمد طب هي برااا
مريم بعياط لاء ابوك خلاه الرجاله يطرودوها برااا المستشفي
احمد بعصبيه انت بتقولي ايه يا ماما
مريم حست انها اتصرفت بغباء اتكلمت وقالت اهدي والنبي لو عرف ان انا قولتلك حاجه قاطعها
احمد بعصبيه مصطفي كان فين من كل ده
مريم ما هو مصطفي السواق هيعارض ابوك يا احمد
احمد قام من علي السرير وسند علي الحيطه وهيفتح الباب
مريم لاء يا احمد انت لسه تعبان
احمد حط ايده علي راسه بتعب وآلم شديد ابعتيلي مصطفي
مريم حاضر هخليه يدخلك