كنت معزومة في خطوبة اخت صاحبتي ومكنتش عاوزة اروح بس مردتش ازعلها لبست دريس لونة زيتي وطرحة اوفيت وشوز ابيض بالصدفة اتقابلت مع شاب كان لابس قميص زيتي وبنطلون ابيضوشكلة شيك وحلو جدا اتفاجئت جدا بس قولت عادي صدفة وكل البنات اللي في الخطوبة عينهم علية وهو تقيل بشكل مش بيبص لحد
نهائي وواقف و كلة ثقة بنفس كدا مش هنكر ان اعجبت بية جدا. وبعد شوية الخطوبة كانت علي وشك الانتهاء لقيت بابا بيرن عليا وبيوقلي ان هو مستنيني تحت سلمتي علي صاحبتي ومامتها وانا ماشية لقيت صحبتي بتقولي اسماء استني لفيت ووقفت كان هو اخد بالة مني فضل يبصلي شوية ويبص علي نفسة وبعدين ابتسملي
ابتسامة هادية حطيت وشي في الارض وشردت
صحيت من شرودي علي صوت صحبتي اسماء روحتي فين قولتلها نتكلم بعدين عشان بابا مستنيني تحت ونزلت جري
روحت مع بابا ودخلت اوضتي وفضلت ابص علي نفسي شوية في المرايةواترسمت ابتسامة علي وشي معرفش اي سببها وشكلة وابتسامتة مش راضيين يرحوا من بالي وبعدين قعدت اقول لنفسي انت عبيطة اي الهبل دا بقا
كل البنات الحلوين اللي في الخطوبة دول هيسيبهم ويبصلك انتي اكيد ابتسم عشان تناسق اللبس مش اكتربعدين دخلت اتوضيت وصليت قيام الليل ونمت
تاني يوم صحيت وصليت وقعدت اذاكر عشان انا تالتة ثانوي بعد ساعات من المذاكرة لقيت نفسي تعبت ومحتاجة
اكل اي حاجة روحت المطبخ وقعدت وعملتيلي فطار وماما عملتيلي نسكافية وبعدين روحت اوضتي وطلعت اسكتش الرسم بتاعي عشان انا بحب الرسم وقعدت ارسم لقيت نفسي برسم الشخص نفسة بصيت علي الرسمة وقعدت اضحك علي نفسي معقول اكون حبيتة
لا طبعا مستحيل انت هتركزي في مذاكرتك وبس ماما دخلت اسماء انت كويسة بتكلمي نفسك
قولتلها اة ياماما كويسة وانا بحاول اداري الرسمة وراء ضهري بس جات ماما وشدت الاسكيتش مني وبصت في الصورة وبرقت بصدمة وبصوت عالي جدا تعرفي الشاب دا منين انطقىيييي ولسة هتكلم لقيت ماما بتضربني بالقلم علي وشي
يتبع…..
القلم نزل عليا وقعت علي الارض وانفجرت بالعياط وبصوت متقطع والله يا ماما انا امبارح شوفت الشاب دا صدفة في خطوبة اخت منة ومعرفش وانا برسم دلوقتي طلعت صورتة هو بس انا والله ولا اعرفة ولا في حاجة بيني وبينوا ولا هيبقا في اصلا بس حضرتك مالك متعصبة كدا لية هو انت تعرفية
رواية احببت وكيل النائب العام كاملة جميع الفصول
ماما بتوتر بتحاول تخفية: معرفوش معرفوش انا بس عاوزكي تركزي في مذاكرتك انت تالتة ثانوي وسابتها وطلعت علي اوضتها وهي بتقول لنفسها يالهوووي لو كانت عرفت حاجة عند اسماء في الاوضة كانت مستغربة جدا دي اول مرة ماما تضربني قامت اسماء لبست ونزلت راحت السنتر عشان عندها درس واتقابلت مع منة وقعدوا يتكلموا
منة:اموت واعرف ظبطت معاكي ازاي
اسماء:هي اي دي تقصدي اي
منةبابتسامة: والنبي مانت عارفة اقصد اي. قصدي الماتشين اللي كنتي عاملا انت واحمد الانصاري امبارح
اسماء بخجل:انت تقصدي الشاب بتاع امبارح هو اسمة احمد
منة بتقلد اسماء:اة اسمة احمد
اسماء بتوتر:هو انت تعرفية منين
منةبدهشة:نهار اسود انتي متعرفيش احمد الانصاري دا وكيل نيابة ومعروف جدااومن عيلة غنية جداا
اسماء بصدمة:ايه وكيل نيابة وتاهت في صدمتهاواخيرا نطقت بعد ربع ساعة من الزهول بس هو متواضع جدا يعني ميبانش علية
منة:فعلا هو متواضع جدا وبيساعد اي حد محتاج عكس عيلتة كلها منخيرهم في السماء
اسماء بتعب :طب يلا ولا اي
منة :ماشي يلا بينا
وكل واحدة اتجهت الي بيتها اسماء وهي ماشية سمعت حد بينادي عليها لفت ولاقتة فهد زميلها
فهد بينهج من الجري وراء اسماءواخيرا اتكلم :اسماء انت لسة بردوا مش متقبلة حبي ليكي
اسماء بهدوء:فهد انا قولتلك قبل كدا احنا لسة صغيرين
فهد بحنية:صغيرين اي بس دا احنا دفعتنا كلها بيحبوا بعض