اسماء لاء اوعدني الأول انك مش هتعمل حاجه ليهم وسيبهم
سليم حاضرر
فارس بصله بغضب واتكلم وقال هنروح فين البيت ولا ايه
سليم اه اطلع علي بيتنا
اسماء ممكن طلب
سليم ايه ي حبيبتي
اسماء انا منه وحشتني وعاوزه اروح اقعد عندها
سليم انا هجبيهالك انهارده
اسماء هتجبيهالي ازاي
سليم من بيتها هقولها اسماء عاوزكي
اسماء طيب ماشي هنعدي نجيبها
سليم لاء روحي غيري هدومك واستنيها وانا هجيبهالك
اسماء ماشي
بعد شويه وصلوا بيت سليم
وسليم دخل اسماء اوضه ونيمها علي السرير وغطاها
سليم نامي شويه علي ما اجيبها
اسماء حاضر
سليم طلع شاف فارس واقف في الصاله
فارس هتنزل تجيب منه دي
سليم اه وراح يفتح الباب عشان ينزل
فارس استني خودني معاك اكيد مش هقعد مع اختك لوحدنا
سليم ابتسم ولف ليه واتكلم وقال راجل يا فااارس
فاارس طول عمري
ونزلوا
فارس راح يتمشي شويه وسليم راح يجيب منه
عند منه فب بيتها كانت لابسه بيجامه ضيقه جدااا وعامله شعرها بطريقه عشوائيه
منه بصوت عالي وكل عصبيه جاييه اهووو يا اللي بتخبط الصبر يا ناس
وفتحت
سليم انبهر بجمالها وفضل متنح فيها
منه بتوتر من نظراته انت جايه تعمل ايه عندنا
سليم بتوهان وهيام مش عارف
منه احححم
سليم فاق من شروده اتكلم وقال ادخلي البسي هدومك وتعالي
منه علي فين
سليم محضرلك مفأجأه
منه مفأجأة ليا انا
سليم ممكن تدخلي الاول عشان مفيش حد يشوفك بالمنظر ده
منه ماله منظري بقا انشاءالله وبصت علي نفسها وحطت ايديها علي راسها
اعاااااا ودخلت جري
سليم ابتسم علي منه ووقف يستناها
منه بعد ربع ساعه طلعتله اهوو اديني جاهزه ايه بقا المفأجأة
سليم بجرأة مسك ايديها وسحبها وراءه ونزل فتحلها باب العربيه وركبها
وراح بيها علي بيته
وبعد شويه وصلوا قدام بيت سليم
منه باستغراب هو بيت مين ده وحايبني هنا ليه
سليم بيتي
منه بصدمه بيتك طب جايبني ليه واكملت بعصبيه وقالت انت فاكريني ايه واحده من اللي تعرفهم لاء يا بشمهندس سليم
سليم ممكن تهدي
منه انا مش فاهمه ايه البرود اللي انت فيه
سليم بزعل من كلامها انزلي يا منه اسماء فوق
منه بفرحه قول والله رجعت امتا
سليم هي هتقولك
منه ماشي وفتحت الباب ولسه هتنزل بصت لسليم واتكلمت وقالت انا اسفه
سليم ولا يهمك
منه تمام ونزلت ودخلت البيت
بتدور علي اسماء في كل الاوض
منه بفرحه اسماء سمسم
انتي يبت
اسماء من وراءها وبصوت واطي ومبحوح منه
منه راحت عليها وحضنتها وحشتيييني يا اسماء
اسماء حضنت منه وانهارت في حضنها من العياط
منه في ايه مالك كل دي دموع عشاني وبدأت تمسحلها دموعها
اسماء بصوت كل وجع انا تعبانه اوووي يا منه ومش عارفه اعمل ايه
منه انت لسه بتفكري فيه يا اسماء انسي بقا يبنتي وبعدين انت اللي بعدتي عنه
اسماء منه انا حامل يا منه
منه بصدمه ايييه انت بتقولي ايييه ازاي يعني وحامل من مين انا مش فاهمه حاجه
اسماء حامل من جوزي يا منه
منه جووزك انت اتجوزتي يا اسماء واتجوزتي مين
اسماء حطت ايديها علي رأسها وكانت هتقع
منه سندتها وقعدتها علي السرير
منه احكيلي يا اسماء انا مش فاهمه حاجه
اسماء انا واحمد اتجوزنا يا منه
منه في السر اتجوزتوا في السر
اسماء لاءطبعا يا منه
وبدأت تحكي لمنه
عند سليم كان كلم فارس وراحوا علي شقه تانيه ليهم عشان يسيبوا منه واسماء علي راحتهم
سليم زودت حراسه علي البيت
فارس ايوا يا سليم واكمل هتعدي رميتهم لاختك دي بالساهل كده
سليم عايزيني اعمل ايه يا فارس احمد في المستشفي
واسماء خايفه عليه
فااارس احمد احمد وبعدين انت نسيت اللي عمله فيك زمان دا دخلك السجن ظلم
سليم فااارس مش عاوز كلام في اللي فات. احمد جوز اختي
فارس جوز اختك ابوه طردها انهاردة من المستشفي
سليم لما يفوق هيعرف بكل ده وبعدين لو مقدرش ينفذ وعده لبابا بابا هيطلقها منه
فارس وانت لازمتك ايه
سليم بصله بحده وبعصبيه ما تظبط كلامك يا فارس انت هتجنن ولا ايه
فارس حاضر
عند اسماء ومنه
اسماء كانت حكتلها كل حاجه
منه واخده اسماء في حضنها وبتعيط علي حاله صحبتها
اسماء بعياط منه هو انا انفع انزل البيبي ده
منه تنزليه ليه يا اسماء انت حامل من جوزك واهلك هما اللي مجوزينك ليه وبعدين هو انت فاكره الاجهاض ده حاجه سهله دا انت ممكن تموتي فيها
اسماء يريت والله اموت وارتاح من اللي انا فيه