اسماء انت كويس يحبيبي
احمد وهو بيطلع من حضنها ايوا يحبيبتي
اسماء انت متأكد
احمد ايوا
ودخل اوضته وغير هدومه وقعد علي السرير
شكلك كدا خايف ومش عارف هتواجه سيف بيه ازاي بعد ما عرف ولا كنت ناوي تخبي جوزاك من اختي
كلام سليم كانت بتتردد في تفكيره اللي دفعه ان يروح لاهله ويتكلم معاهم وينهي الموضوع
وجيه ينزل
اسماءانت رايح فين ومتشيك كدا
احمد نازل هروح مش وجاي
اسماء طب صليت ايه رايك لو نصلي سوا
احمد بصلها واتكلم وقال لا مصلتش وقفل الباب تاني هنصلي سوا
اسماء دخلت اتوضت ولبست اسيدال اسود واحمد اتوضي
وصلوا مع بعض
اسماء وهي ساجده يارب اللهم اني اسألك بكرم وجودك ان تحفظه وترزقه الصحه والعافيه وتسعد قلبه وتجعل الرزق له ميسراً حلالاً طيباً يارب هو حبببي وجوزيخ
احمدسمعها رغم ان صوتها كان واطي جدااا ومش مسموع
احمد الحمدلله يارب معرفش انا عملت ايه عشان ترزقني بقلب. طيب بالشكل ده بس كل اللي متأكد منه ان ده من كرمك يارب
وخلصوا صلاه
واسماء بضحكه معاك تصريح رسمي بالنزول بعد ما صليت كدا انا مش قلقانه عليك
احمد ابتسم وحضنها واتكلم وقال ربنا يخليكي ليا يارب يحبيبتي
اسماءويخليك ليا يحبيبي
يلا بقا روح مشوارك ومتتأخرش عليا
احمد ماشي يحبيبتي وسابها ونزل راح علي القصر
وبعد شويه كان وصل وشاف امه قاعده لوحدها في الجنينه
مريم شافته جرت عليه وحضنته حبيبي وحشتني يا احمد كنت فين الفتره اللي فاتت دي كلها
احمد كنت مشغول شويه يا ماما انا اسف
مريم حطت ايديها علي وشه وباهتمام مالك يحبيبي
احمد كويس حبيبتي والله
واكمل بابا وعمر فين
مريم جوا كلهم تعالي يلا كلهم قلقانين عليك ودخلوا
سيف شافه داخل قام وقف واتكلم وقال اهلاً بالعريس
مريم بصتله بصدمه عريس
سيف يا تري بقا وديت عروستنا شهر عسل فين
مريم متفهموني في ايه عروسه ايه وايه الكلام اللي انت بتقوله ده يا سيف
سيف ما ترد يا باشا
احمد بصله واتكلم وقال ايوا ماما انا اتجوزت
مريم يعني ايه يعني يا احمد اتجوزت ازاي من غير ما نعرف
سيف لاء ومش اي جوازه دي تبقي اخت سليم مهران اكبر نصاب في البلد وراح عليه ومسكه من هدومه انت عارف انت
عملت ايه
عمر وقف بينهم واتكلم وقال اهدي يا بابا
مريم عيطت
سيف يتصلح غلطتك دي يا تطلع براا بيتي ولا عاوز اشوف وشك ولا انت ابني ولا اعرفك
احمد انا مغلطتش انا اتجوزت البنت اللي بحبها
سيف البنت اللي انت بتحبها دي هتدمر مستقبلك
احمد هتدمر مستقبلي في ايه
سيف انت ناسي انت ايه وكيل نيابه اتجوز واحده اخوها رد سجون
احمد والله لو شغلي هيبقي عائق بيني وبين جوازي يبقي. بلاش منه
سيف بعصبيه مفرطه.عاوز شغلك
انت عارف اللي المكانه اللي انت فيها دي كام واحد غيرك اتمناها ومقدرش يوصلها واكمل وقال اه ما انت جاتلك علي الجاهز وانت قاعد وحاطط رجل علي رجل
يوسف اهدي يا سيف
سيف هطلقها انت فاهم
احمد انا مش عيل عشان حضرتك تمشيني يا بابا ومرآتي مش هطلقها
سيف راح عليه ورفع ايده وقفه صوت مريم لاء يا سيف
احمد بيبص لابوه اللي عمره ما رفع ايده عليه بيرفعها عليه دلوقتي وطلع بعصبيته وغضبه وراح علي عربيته
مريم جرت وراءه وبتشده من دراعه بلاش تسوق انت يا احمد. ونادت بصوت متقطع مصطفي
احمد شد دراعه من مريم اللي وقعت في الارض
وركب العربيه
مصطفي راح عليه مريم هانم
مريم متسبهوش يا مصطفي روح وراءه بسرعه
مصطفي حاضر يا هانم بس قومي الاول
عمر ماما وراح عليهاهو وياسمين
مريم بعياطروح وراء اخوك يا عمر بسرعه
عمر طلع ركب عربيته وراء احمد اللي كان بيسوق بسرعه جنونيه
عمر قد ر يلحقه بعربيته
عمر اهدي يا احمد
احمد بصوت عالي ارجع يا عمر وفقد سيطرته علي العربيه واتلقبت بيه تلت مرات
عمر وقف عربيته ونزل بسرعه وراح علي عربيه احمد
عمر طلعه من العربيه بسرعه
عمر نزل لمستواه و بضعف اححمد
احمد كان بينزف من راسه جامد ومن انفه
عمر جاب فونه واتصل بالاسعاف
اللي وصلت في دقايق ونقلته المستشفي ودخلوا العمليات علي طول
عمر قاعد في الارض بضعف وهدومه كلها دم
عمر الو يا بابا
سيف انت فين يا عمر
عمر. بضعفاحمد عمل حادثه يا بابا
سيف الفون وقع من ايده في الارض