احمد دخل المطبخ وشافها واقفه بتحضر الاكل
حضنها من ضهرها واتكلم وقال حبيبي بيعملي فطار بنفسه
اسماء بكسوف منه ووشها احمر يعني معملش فطار ليك هعمل لمين
احمد وهو دافن راسه في عنقها طب بسرعه عشان هتاخر
اسماء وهي بتشيل ايده ما انت لو بعدت كدا شويه مش هتتاخر
احمد بعد عنها وسند بجمبه ع الحيطه وربع ايده لحد ما حضرت الفطار وقعدوا يفطروا مع بعض
احمد ايه لسه بردوا عاوزه تدخلي هندسه
اسماء ايوا هو انت عاوزني ادخل حاجه تانيه
احمد لاء طبعا انا بسألك بس عشان هقدملك انهارده
اسماء بحماس. وابتسامه هو هندسه وبس مفيش كلام وابقا الباشمهندسه اسماء محمد مهران
احمد احلا باشمهندسه دي ولا ايه
اسماء احلا مودي دا ولا ايه
احمد وهو بيكز علي اسنانه مش قولنا بلاش زفت مودي دي
اسماء بدلع ايه بدلعك يا مودي
احمد بردوا واكمل بصي يحبيبتي انا وكيل نيابه تخيلي بقا حد سمعك وانتي بتقوليلي مودي دي هيبتي تروح فهمتي
اسماء بصتله يعني انت موافق اقولك مودي واحنا لوحدنا لكن
قدام الناس
احمد بيه او احمد باشا ماشي موافقه
احمد ضربها في راسها بخفه
بيه ايه وباشا ايه انا جوزك يعبيطه انتي
اسماء قول والله انت جوزي تصدقك مكنتش اعرف
احمد ههههههههه
اسماء وهي بتضحك
شوف لما بتضحك بيقي شكلك حلو ازاي اضحك علي طول يا احمد
احمد قرب منها وانتي كمان شكلك حلو لما بتضحكي اضحكي دايما
اسماء مسكت ايده طول ما انت معايا وجمبي وبخير هكون مبسوطه دايما
احمد حتي لو مكنتش بخير اضحكي يحبيبتي وحضنها
وبضحكه اخرتيني يا رغايه
وسابها ونزل راح علي شغله
في قصر سيف الانصاري
سيف احمد في شقته من امبارح والبيت اخت سليم دي معاه
عمر وانت عرفت منين يا بابا
سيف الرجاله بتراقبه
عمر ازاي تعمل كدا يا بابا
سيف كنت عاوز اتأكد بنفسي عشان اعرف اواجه
قاطعهم رن فون سيف
سيف الو عملت ايه
=احمد باشا نزل من شقته ورايح النيابه تقريبا
سيف ماشي خلي بالك لو شافك مش هيرحمك
=متقلقش يا باشا
احمد بيبص في مرآيه العربيه ومعقد حواجبه عربيه سودا ماشيه وراء من وقت ما طلع
احمد توه الطريق عشان يعرف اذا كانت بتراقبه ولا لاء
العربيه فضلت ماشيه وراء
وقف قدام مول ودخل شويه وخرج تاني
ركب العربيه وكمل طريقه والعربيه بردوا وراء
احمد الو هبعتلك نمر عربيه عاوزك تعرفلي العربيه دي باسم مين
=تمام بس لوحضرتك في حد معين شاكك فيه تبقا وفرت عليا كتير
احمدلاء
ووصل النيابه وشاف شغله وبعد شويه جاله اتصال
احمد ها باسم مين
=باسم شركه الانصاري
احمد بصدمه ايه انت متأكد
=ايوا يا باشا
احمد طب شكرا وقفل وحط رأسه بين ايده وفي نفسه كدا بابا اكيد عرف هو سليم الواطي مفيش غيره عملها
وطلع راح علي شركه سليم ودخل بكل غضب
سليم ابونسب رجليك اخدت علي هنا كتيير
احمد وايدي اخدت علي كدا بردوا وقام ضربه في وشه
سليم بادله نفس الضربه
احمد راح عليه ومسكه من هدومه وحيات امك يا سليم لاربيك علي اللي عملته ده
سليم انا معملتش حاجه
احمد تنسي اختك خالص ودور الاخ البريئه اللي انت بتمثله عليها ده شيله وابعد عننا انت فاهم
سليم اممم شكلك كدا خايف ومش عارف هتواجه سيف بيه ازاي بعد ما عرف ولا كنت ناوي تخبي جوازك من اختي
احمد غبي يا سليم وسابه ونزل ركب عربيته وساق وبعد شويه وصل لشقته ودخل
اسماء شافته جرت عليه وحضنته وحشتني
احمد كان محتاج لحضنها فضل حاضنها شويه