البنت اه طبعا واخدت منها الفون
احمد وقف واسماء وقفت جمبه. والبنت اخدتلهم صوره
اسماء شكرا يا قمر
البنت العفو علي ايه
احمد انا تعبت يلا بينا
اسماء ايه تعبت طب دا انا كنت عاوزه اروح الملاهي
احمد بصدمه نعععم ملاهي
اسماء في ايه دا احنا كنا المفروض روحنا من يوم ما اتجوزنا شبه الروايات ونقعد نلعب الله يا احمد يلا وديني
احمد نقعد نلعب يلا يبت قدامي ملاهي ايه وهبل ايه
وفي مكان ما ملئ بالضحكات
اللي طالعه من القلب
اسماء ههههههه شوفت حلوه ازاي
احمد هههههههه
اسماءوهي بتضحك انا تعبت ومش قادره
احمد وهو. وبينهج ايه مش كنت عاوز ملاهي
اسماء هو ده الحب يابلاش
احمد حب دا جنان
اسماء مشت قدامه بدلع
يا بيكون الحب جنون اما عمره مايكون
احمد خودي يبت رايحه فين
اسماء لفتله يلا نروح بقا عشان تعبت
احمد راح عليها ماشي يلا
واخدها مشوا
وبعد شويه كانوا وصلوا البيت
احمد ايه رايك لو نسمع فيلم سوا
اسماء بفرحه ماشي اختار فيلم علي زوقك
احمد اختار فيلم واسماء جابت فشار وشيبسي وقعدوا قعده رومانسيه
احمد محاصرها بتملك في حضنه
اسماء بتأكل شيبيي
احمد بيبصلها بحب ولسه هيبوسها لاقها بتحطله شيبسي في بؤه
احمد بوظتي المشهد الرومانسي اللي كنت هعمله
اسماء بصتله بوجه احمر وكسوف وباسته من خده ودفنت راسها في حضنه تداري كسوفها
احمد بابتسامه مكسوفه
اسماء وهي لسه مستخبيه في حضنه ايوا واسكت بقا
احمد حضنها بقوه وتملك
احمد عارفه نهايه الفليم ده ايه
اسماء اكيد هيتجوزا ويجيبوا وبنات وولاد كتيير واكملت وقالت صحيح انت بتحب البنات ولا الولاد اكتر
احمد كله اللي يجيبه ربنا كويس بس نفسي اجيب منك بنوته قمر شبهك
اسماء طب وهنسميها ايه
احمد اسماء
اسماء هتسميها علي اسمي
احمد ايوا
اسماء بتحبني اوووي كدا
احمد ايوا
اسماء طب ليه مش بتقولها كتيير
احمد عشان دي كلمه تتحس وتتعاش متتقالش لو اتقالت كتيير قميتها بتروح
اسماءاممممممم واكملت وقالت انا بحبك اوووي
احمد بضحكه لا دا انت تترزعي بوسه بقا وقبلها
اسماء اسكت بقا خلينا نكمل الفيلم
احمدبهزار وهو الفيلم في حضني
اسماء بصتله بزعل وطلعت من حضنه
احمد شدها لحضنه تاني واتكلم وقال كنت بهزر معاكي متزعليش مكانك اوعي تطلعي منه تاني
في مكان اخر
منه الوو ازيك يا باشمهندس سليم
سليم بضحكه كويس انت عامله ايه
منه الحمدلله تمام
سليم الحمدلله في حاجه ولا ايه
منه اه فيه بقالي فتره برن علي اسماء عشان اكلمها فونها مقفول وميس ليلي مش بترد عليا بردوا قولت اكلمك هي اسماء كويسه انا قلقانه عليها اوووي
سليم اه الحمدلله كويسه
منه ببراءه طب هي مش بترد عليا ليه هو انا زعلتها في حاجه
سليم في نفسه طب اقولها ايه دي دلوقتي
سليم لاء بس هي مضايقه شويه ومش عاوزه تكلم حد
منه طيب ممكن معلش اول ما تبقي كويسه ترد عليا
سليم حاضرومكملش كلامه سمعه صوت جمب منه
=انت يا زفته سايبه الشغل وواقفه ترغي في الفون
منه الفون وقع منه في الارض وبتوتر انا اسفه كنت بطمن علي
=مخصوم منك اليوم كله
منه بعيون كلها دموع ليه حضرتك دا انا واقفه علي رجلي من الصبح حرام عليك
=انا قولت اللي عندي وسابها ومشي
منه نزلت جابت فونها اللي وقع علي الارض
وبصوت مخنوق انا اسفه لازم اقفل دلوقتي
سليم بحده استني مين الحيوان اللي كان بيزعقلك ده
منه عيطت دا مديري في الشغل
سليم شغل هو انتي بتشتغلي واكمل وقال طب انت فين وانا اجيلك