بيتمني اني دي متكنش اخر مرة
اسماء طلعت بيتها وقعدت تذاكر وبعدشوية سمعت الجرس بيرن راحت تفتح لاقتها منة صحبتها
اسماء بفرحة:منة تعالي وضمتها بكل حب انت وحشاني جداااا
منة:ماحضرتك اللي مختفية محدش بيشوفك
اسماء بفرحة: انا اسعد انسانة في الدنيا دي
منة بغمزة:اي حبتي مين حد انا اعرفة
اسماء وهي بتحط ايدها علي وشها بتداري كسوفها: وبضحكة اة حبيت
منة: ها احكيلي بقا مين وامتي وازاي
اسماء:ماشي هحكيلك وقعدت تحكي لمنة اللي حصل كلة
منة بزعل:كل دة يحصل معاكي وتخبي علي صحبتك الوحيدة وكملت ولا من لقاة احبابة نسي اصحابة
اسماء بكسوف:منة هو ممكن احمد يكون حبني
منة:وهو يطول اصلا دا انت مزة جامدة وقمر
اسماء:بتجامليني شكرا
منة:بجامل مين انت مبتشوفيش نفسك مبتبصيش في المراية انت فعلا قمرررررر
في شركة سيف الانصاري
كانت ياسمين قعدة بتفكر في احمد وان هو ممكن يكون في واحدة في حياتة وكملت دا لو فية واحدة في حياتة
تبقا حكمت علي نفسها بالموت
عند احمد كان خلص شغل وركب العربية ومروح وبيبص للرسمة بحب وبيقول لنفسة معقول تكون لحقت تحبها دول هما اربع مرات اللي شوفتها بس لية كنت بتحب تساعدها لية دموعها وهي بتعيط كانت بتقطع في قلبك لية
الغيرة اللي كانت هتموتك لمجرد ان فهد وكريم شافوا صورها وهي بشعرها.وقعد يفكر فيها لحدما وصل البيت ونزل. وطلع اوضتة وحط الرسمة وبصلها وهو مبتسم وامضت اسماء اللي علي الرسمة من تحت وبعدين دخل
الحمام وغير هدومة ونزل علي الغداءوكلهم مجتمعين سيف الانصاري ومريم الانصاري وعمة يوسف وياسمين وخلصوا غداء وقعدوا يشربوا قهوة وكلهم ساكتين قطع السكوت دة سيف الانصاري وهو بيقول ليوسف اخوة: انا طالب منك ايد ياسمين لاحمد طبعا مش هتلاقي احسن منة
يتبع…..
احمد بصدمة:حضرتك بتقول اي لا طبعا دي بعتبرها اختي ولا اي يا ياسمين وكمان انا في واحدة بحبها وهتجوزها بس مش دلوقتي
سيف باستغراب: هي مين دي اللي انتا بتحبها. وبعدين هو هتكسر كلامي ولا اي
احمد:بابا انا مش عيل عشان تجبرني علي حاجة انا واحد ليا مكانتي ومركزي
سيف: واي تاني يا احمد بيةمش عشان بقيت وكيل نيابة تفتكر انك هتقدر تكسر كلامي
احمد بعصبية :بابا انا بشوفها اختي وبس وبقولك بحب بنت تانية
سيف بعصبية: انت بتتحداني يا احمد
ياسمين حفاظا علي كرامتها: انا اصلا مش موافقة علية ياعمو
احمد بقرف:ومش انت اللي تعجيبني اصلا
سيف بعصبية:احممددددد
احمد ببرود:عن اذنكم انا تعبان وطالع انام
في مكان تاني اسماء ومنة داخلين السنتر اسماء لمحت كريم واقف هو وفهد راحت عليهم واتكلمت بشماتة:طب كنت استوني لما تخفوا شوية اصل شكلكم وحش اووي معقولة كريم وفهد يحصل فيهم كدا
كريم ومسك ايديها جامد:مين الواد دة يا اسماء
اسماء:شدت ايدها واد في عينك احترم نفسك واعرف انت بتتكلم علي مين
كريم بضحكة:هكون بتكلم علي مين بقا انشاءالله
اسماءربعت ايدها وقالت:الراجل اللي عمل فيك كدا وتقريبا خلي وشك شبة الخريطة يبقا وكيل نيابة يا عنيا اظن عرفت مين وريني هتعمل اي بقا وسابتهم ودخلت اخدت الدرس وبعد ساعتين كان الدرس خلص ومشيت هي ومنة
في الطريق اسماء ومنة ماشيين ساكتين قطع السكوت دة منة بتقول لاسماء:سرحانة هانم روحتي فين
اسماءبضيق:موجودة يا منة
منة: مالك يبنتي
اسماء: خايفة يا منة خايفة اكون بحب احمد وهو مش بيحبني وحتي لو حبني تفتكري اهلوا هيرضوا بيا هما ناس
غنية جدا وانا بنت ناس بسيطة
منة:هو لو بيحبك هيقف قدام الدنيا بحالها عشانك واناحاسة ان هو بيحبك
اسماء:يارب يامنة وكملت وقالت يارب احمد يكون بيحبني يارب يارب خلي يشوف البنات كلها ضفادع ما عدا انا يارب كل البنات تشوفة قرد يارب الا انا قولي امين يا منة
منة:ههههههه يشوف البنات ضفادع للدرجادي حبتية
اسماء بخجل:حد يقولوا اني بحبوا الحب دا كلة
منة:تعالي يا ماما شوفي الهادية العاقلة اللي انت عاوزني اكون زيها
اسماء بثقة:هو انتي تطولي تكوني زي
منة: فعلا هو انا اطول ابقا قمررر كدا
وكملوا طريقهم للبيت
في اوضة احمد كان قاعد علي السرير وبيتأمل صورة اسماء اللي بروفايل علي الواتس دخلت الضفدعة قصدي ياسمين من غير متستأذن احمد قام وقف انت ازاي تدخلي كدا انت متخلفة
ياسمين بدلع:اي بتكلمها
احمدبجدية:اطلعي برااا
ياسمين بعصبية:فيها اي احسن مني قولي عيب واحد فيا وبدأت تكسر في الاوضة وقلبت كوب ماية علي الرسمة بتاعت اسماء
احمد بعصبيةومسكها من دراعها وبصوت عالييي اطلعي براااااااا