اسماء سليم اللي انت وماما كنتوا بتتكلموا عليه انهارده وبتقولوا ان هو اخويا ورد سجون
محمد نزل من العربيه واتكلم بصعوبه عملت كدا عشان كنت خايف عليكي منه
اسماء طب هو عمل ايه عشان تخاف عليا منه ودخل السجن ليه
محمد عشان هو واحد نصاب وكان يستاهل يدخل السجن
اسماء نصاب
محمد ايوا كان بيضحك علي الناس ويأخد فلوسها ويقولهم انهم بيعملوا مشاريع وبتخسر
وفضل علي كدا لحد ما دخل السجن من تلت سنين علي ايد. وكيل النيابه احمد الانصاري كان نفسي اشوفه واشكره
اسماء بصدمه اكبر ودموع مين احمد الانصاري
محمد باستغراب في ايه هو انت تعرفيه
اسماء عيطت وحضنت بابها وعيطت كتيير
محمد بحنيه انا اسف والله بس دا كان دافع حبي ليكي وخوفي عليكي يحبيبتي
اسماء كانت منهاره من العياط في حضن ابوها اه زعلانه منهم لكن في نفس الوقت عارفه ان هما بيعملوا اي حاجه لمصلحتها
وبيشوفها صح وان هما الملجأ الوحيد ليها بعد ربنا
اسماء انا عاوزه ماما يا بابا
محمد حاضر وركبوا العربيه وروحوا
ليلي شافت اسماء راحت عليها واتكلمت بخوف مالك
محمد ليلي خودي اسماء وادخلي جواا ليلي اخدت اسماء اوضتها وقفلت
اسماء قعدت علي السرير ودموعها نازله بهدوء
ليلي في ايه مالك هو بابكي زعقلك عشان كنتي هتباتي عند منه
اسماء بعياط اكتر هو انا عملت ايه عشان يحصل فيا كل ده
يعني ايه اقابل وكيل نيابه واحبه وبعدين اللي يحصل ان يطلع ليا اخ لا وكمان رد سجون ودخل السجن علي ايد حبيبي وكيل
النائب العام
ليلي حضنتها وعيطت انا قولتلك ابعدي بس انتي مسمعتيش كلامي ولما لقيتك متعلقه بيه سيبتك للايام وقولت الله اعلم ربنا مخبيلك ايه
اسماء انا اتعلقت بيه عشان هو كان دايما يقولي ان المظاهر مش كل حاجه وان هو بيحبني زي ما انا كدا ببساطتي
ليلي انت مالكيش ذنب اكيد لو حكتيله الحقيقه هيصدقك
اسماء هيصدقني لكن ساعتها هيخسر حياته وشغله واهله
واكملت بدموع انا ممكن اتعوض بواحده تانيه تنسيه حبه ليا لكن اهله وحياته وشغله عمرهم ما هيتعوضوا
انا هبعد عشان اريحه هو ميستاهلش يخسر كل ده عشاني
ليلي وانت ذنبك ايه تتعذبي
اسماء بعياط ذنبي ان ليا اخ شبه سليم ده
ليلي حضنتها وعيطت والله ربنا هيقف جمبك عشان انت نوايكي خير ومش عاوزه حد يتأذي علي حساب راحتك وسعادتك
اسماء جمله احمد كانت بتردد في مسمعي”إِحْْتَضِنْ ظُنونَكَ الطَّيِّبَةَ لَنْ تَنْتَظِرَ طَوِيلَا
عِشَّ مُتْعَةً التَّرَقُّبِ
رُبَّمَا تَبْدَأُ غَدًا وَرُبَّمَا الْيَوْم ”
يمكن دي هتفضل اكتر جمله هتصبرني علي مراره الايام اللي انا هختار اعيشها في البعد عنه
روحت اتوضيت وصليت وشغلت قرأن بصوت هادي ومش قادره امنع دموعي من النزول
قمت جيبت الكوتشي اللي احمد كان جايبهولي الكتاب اللي كان راسملي فيه القلب وانا اتريقت عليه الساعه بتاعته اللي انا اخدته منه انهارده والسلسه اللي جبهالي
ان كل الحاجات دي هتفضل ذكري حلوه منه
ونمت وانا واخده حاجتي في حضني ودموعي اللي بتنزل بهدوء تام مش عارفه ليه استغربت نفسي اي حد مكاني المفروض كان يتعصب او يكسر يزعق يصرخ بصوت عالي بس ربنا كان منزل عليا الهدوء والسكينه دي سبحان الله وكأنه صوت احمد كان بيمس في اذني وبيقولي انا جمبك متخافيش انا بحبك
وفي صباح يوم جديد. بعد يومين ومفيش اي جديدوانا ناويه خلاص و واخده قراري
ليلي بعياط يعني بردوا هتعملي اللي في دماغك ليه عاوزه توجعي قلبك بايدك
اسماء ماما ليه بتزيدها عليا انا فيا اللي مكفيني
وطلعت روحت الكافيه عشان اقابل احمد
اتقابلنا قدام الباب ودخلنا قعدنا
احمد وهو بيبصلي ومستغرب ملامحي مالك
واكمل بخبث اممممم نتيجتك انهارده
اسماء بدون اي ريأكشن اممممم
احمد باهتمام ومسك ايديها مالك كل ده خوف
اسماء شدت ايدها بسرعه ماليش انا كنت عاوزه اقولك حاجه انا يعني
قاطعهم رن فون احمد
احمد بفرحه:انت متأكد
=اه والله يا باشا94%
احمد ماشي شكرا وقفل معاه وبصلها وعيونه كلها فرحه عشانها وبيها
احمد مبروك
اسماء مبروك علي ايه
احمد نجحتي. واكمل بخبث هو اه المجموع مش اوووي بس كويس
اسماءبابتسامه رغم الوجع اللي هي فيه النتيجه لسه مش هتظهر دلوقتي
احمد عرفتها من الكنترول
اسماء بحماس وقامت وقفت طب انا جيبت كام والنبي
احمد قام وقف 94%
اسماء بصدمه قول والله
احمد والله
اسماء حضنته وهو بادلها وحضنها بقوه
كل الناس كانت في الكافيه بتبصلهم باعجاب
اسماء اتكسفت طلعت من حضنه وهي بتبص للناس ووشها احمر
احمد قدام كل الناس نزل للارض وطلع خاتم جوازوقدمه لاسماء
اسماء ف نفسها انا جايه انهي علاقتي بيه وهو بيعرض عليا الجواز