سليم بصدمه وفرحه: انت بتتكلمي جد يا ملك دي المدرسه اللي بيشتغلوا فيها
ملك اه والله شوفت ميس ليلي ومستر محمد هناك لما كنت عند سليم ف مره في المدرسه وعرفت ان هما بيشتغلوا هناك
سليم اخد مفاتيح عربيته ونزل جري وراح علي المدرسه
ووقف بعربيته بعيد شويه
كان محمد وليلي طالعين من المدرسه وركبوا عربيتهم البسيطه ومروحين
سليم كان ماشي وراءهم لحد ما وصلوا البيت
سليم في نفسه دا نفس المكان اللي كنت جايب في البنت معقول دي تكون اختي بس هيا قالت ان ده مش بيتها
محمد وليلي نزلوا وطلعوا لشقتهم
محمد: اسماء
ليلي وهي داخله اوضتها اسماء مش هنا
محمد اومال فين
ليلي بكدب خرجت مع منه خلصوا امتحانات بقا
محمد بحده:اسماء بقالها فتره مش عاجبني يا ليلي شدي عليها تاني دي مكنتش بتخرج من البيت خالص
ليلي اسماء مبتقش صغيره سيبها للدنيا تعلمها الحياه عامله ازاي
في الكافيه
احمد قاعدهو واسماء
اسماء طلعت علبه وحطتها قدامه
احمد اخدها وفتحها وشاف ساعه بسيطه جداااا احمد بصلها وابتسم زوقك حلو شكرا
اسماء عجبتك
احمد وهو بيخلع الساعه اللي هو لابسها عشان يلبس بتاعت اسماء
عجبتني جداا
احمد ايه رايك حلوه عليا
اسماء اتجرأت ومسكت ايده اه حلوه
احمد من لمسه ايديها نبضات قلبه اللي بدأت تزيد قد تكاد تكون مسموعه
اسماء مسكت الساعه اللي هو خلعها ممكن اخد دي لو مش عاوزها
احمد وهو بيطلع سلسله من جيبه اه طبعا وحط السلسه قدامها وهتأخدي دي كمان
اسماء بصت للسلسه دي ليا انا احمد وهو بيقوم عشان يلبسهلها اه ليكي
من قربه منها اسماء اتوترت وعرقت
احمد بيقفل السلسله
شعر اسماء كان اتفك ونزل من تحت الحجاب ويفوح برائحه العطره اللي هتجنن احمد
احمد كان واقف وتايه في جمال شعرها وريحته وحاطها بايده عشان محدش يشوف شعرها
اسماء بصوت واطي احمد شعر ي اتفك اعمل ايه اروح الحمام ازاي اعمله الناس هتشوفني
احمد من وراءها انا هعملهولك
اسماء لا مش هتعرف
احمد اسكتي ومسك شعرها وحاول يداريه اي حاجه بس كدا واخدها وطلعوا من الكافيه
اسماء انت عملت ايه في شعري
احمد فتحلها باب العربيه واتكلم وقال اعملي شعرك ولما تخلصي قوليلي
اسماء ركبت العربيه لوحدها وبدأت تظبط حجابهاواحمد كان واقف مستنيها تخلص
اسماءخلصت ونزلت من العربيه خلصت يلا ولا ايه
احمد ماشي يلا بينا
وركبوا العربيه واخدها يوصلها
احمد بصلها نتيجه الثانويه هتظهر كمان يومين
اسماء اسكت بقا متخوفنيش يا احمد انا مرعوبه
احمد متخافيش انشاءالله خير
اسماء انا متفائله والله بس خايفه بردوا
واكملت وقالت قولي الجمله اللي بحب اسمعها منك
احمد جمله ايه
اسماء اللي هي احتضن ظنونك الطيبه
احمد لن تنتظر طويلا
اسماء عش متعه الترقب
احمد ربما تبدأ غدا وربما اليوم
اسماء عارف من وقت ما سمعتها وانا بحبها اووووي وبتفائل بيها
احمد وهي كمان بتحبك اوووووي
اسماء اممممممم
في بيت اسماء ليلي كانت واقفه في البلكونه بتبص تشوف اسماء واتصدمت لما شافت سليم اللي واقف مع بيتكلم مع البواب
سليم شقه الاستاذ محمد في الدور الكام
البواب وهو بيبص للفلوس اللي سليم ادهاله في الدور التاني يا بيه
عايش هو ومراته وبنتهم اسماء هو حضرتك بتسأل عليهم ليه
سليم بصله واتكلم بحده انت لا شوفتيني ولا تعرفني فاهم
البواب فاهم يا بيه فاهم
سليم ركب عربيته ومشي
وليلي دخلت الاوضه وهي خايفه ومرعوبه انا لازم اقول لمحمد احنا لازم نرجع اسكندريه تاني
اسماء احمد كان وصلها
ولسه هتفتح الباب
ليلي بقولك سليم جيه لحد هنا يا محمد اتصرف اسماء لوعرفت حاجه هنخسرها للابد
محمد اسكتي يا ليلي احنا هنرجع اسكندريه دلوقتي
ليلي حتي لو رجعنا اسكندريه سليم مش هيعرف يوصلنا انت ناسي ابنك بقا ايه ووصل لايه
محمد يعني هنعمل ايه دلوقتي مش قدامنا حل غير كدا
ليلي انت اللي وصلتنا لكدا عيشنا بنتنا في كدبه
محمد انا السبب دلوقتي تفتكري لو كانت عرفت ان ليها اخ شبه سليم النصاب ورد سجون كانت هتقدر تكمل حياتها عادي
اسماء كانت واقفه بتسمع الكلام ودموعها نازله ومش قادره تستوعب كلامهم ونزلت جري من قدام الباب وماشيه في الشارع