-ليه مش نادتيني اسرحلك شعرك ؟!…
-أنت مش رايح الشغل ولا ايه ؟!
قالتها مغيرة الموضوع ليرد :
-لا هفضل معاكي النهاردة ….شوية هنروح أنا وأنتِ وياسمين عند أمي نتغدى عنها …وبعدين هسيب البنت عندها وأخدك افسحك فسحة محصلتش …
ابتسمت له ببهوت وحاولت التحرر منه …كانت تختـ.نق وهو يعانقها بتلك الطريقة …
-معلش يا ياسين ابعد شوية عايزة اسرح شعري ….
-هاتي أنا اسرحلك شعرك …
قالها بلطف وهو يحاول امساك المشط الا أنها أبعدت المشط وقالت:
-معلش يا ياسين أنا عايزة اسرح شعري بنفسي …
غمز لها وقال:
-هاتي يا بت اسرحلك شعرك …هعملك تسريحة رابونزل اللي بتقول عليها ياسمين
وبالفعل حاول مجدداً أخذ المشط الا أنها شدته منه وقالت بإنفعال:
-يوووه خلاص يا ياسين قولت مش عايزة …مش عايزة افهم بقا متضايقنيش …
أجفل من انفعالها غير المبرر وقال:
-أنا عملت ايه يا ورد ؟!
أغمضت عينيها تدعكهما بتعب وقالت:
-متزعلش مني يا ياسين أنا مخنو قة شوية ….هرمونات الحمل بتخليني أرمي دبش …
ابتسم وقال :
-يا ستي أرمي دبش براحتك …
ثم اقترب ليقبلها إلا أنها أبعدت وجهها عنه وهي تقول بإرتباك :
-روح شوف ياسمين وانا هسرح شعري …
ظهر الجر ح في عينيه …ورأته هي …لا تعرف ما بها ولكنها تشعر بالإختنا ق …تشعر بالنفو ر منه …
ابتسم ياسين ببرود وقال:
-طيب يا ورد.انجزي احنا مستنينك
ثم ذهب وتركها …
لتستدير هي وتمشط شعرها بينما الحلم الذي حلمته ما زال يسيطر عليها بقوة ……
أغمضت عينيها وتنهدت قائلة:
-يارب ساعدني !!!…
………