مريض غُُرفة 202 عاوز حد يبقا إشراف على حالتة ممكن تبقي انتِ الإشراف دة!
هزيت راسي بـ آه وفضلت اتمشى ف المستشفى بما إن دة أول يوم ليا هنا لحد ما وصلت لل أوضة خبطت بهدوء ودخلت، كان شخص باصص من الشباك ال بيطُل على جنينة المستشفى وحتى ملتفتش يشوف مين دخل الأوضة
ف قولت بصوت مسموع
_أنا دكتور ليل ال هتابع حالة حضرتك من النهاردة
فتحت التقرير ال في حالتة وأنا بقول
_هبدأ مع حضرتك من الأول خالص وملناش دعوة ب ال مكتوب هنا، وإن شاءلله هتتحسن في أقرب وقت
سكت لما لقيت مفيش اي رد منهُ ف قولت بصوت وأنا بقرب نحيتة
_حضرتك سامعني؟
بس الغريبة أنهُ مردش برضو فتحت التقرير اتأكد إن مفيش اي حاجة بتقول أنه مثلا مبيسمعش او مش حاسس ب ال حواليه بس ملقتش حاجة زي كدة خالص
طلعت بهدوء وأنا مش فاهمة اي ال بيحصل وكمان من اول يوم هنا اخد حالة زي دي ولا بيسمعني ولا بيرد
ممكن يكون بيحاول يستفزني؟
بس هو ميعرفنيش
طلعت قعدت في غُرفة الأطباء ال على قدها شويتين وأنا قاعدة ساكتة لحد ما الممرضة عدت من قدامي ف قولت بسرعة قبل ما تمشي
_لو سمحتي
وقفت والتفتت لي فقولت
_أنا دكتورة ليل دكتور جديد هنا
_ايوة سمعت عن حضرتك النهاردة الصبح
_طيب تمام اوي، كنت عاوزة اسأل بس عن حاجة صغيرة
بصتلي ب انتباه وقالت
_اتفضلي
_مريض غُرفة 202 ممكن أعرف اي حكايتة
_بصتلي ب ارتباك وهي بتقول
_ولا حكاية ولا حاجة مريض زي اي مريض هنا
بصتلها بشك وأنا بقول
_بس ال واضح أنه غير اي مريض
_ازاي يعني يدكتورة
_ماهو ازاي دي أنا هعرفها منك دلوقت
_بس أنا معرفش حا…
قطعتها وأنا بقول
_شكلنا هنبقا صحاب ي..
بصيت ع البادچ ال مكتوب علية اسمها وقولت
_يا رحاب، ها كنتي بتقوليلي إي؟
فجأة المستشفي حصل فيها دوشة جامدة جرينا كلنا نشوف اي ال بيحصل ولقينا..
يتبع….
فجأة المستشفي حصل فيها دوشة جامدة جرينا كلنا نشوف اي ال بيحصل ولقينا كلهُ بيجري ناحية غُُرفة مُعينة ال طالع منها الُصوت
اتجهت معاهم لمصدر الصُوت ولكن دة غُرفة 202
جريت علشان افتح الباب واشوف إي ال بيحصل ولكن بدأ اصوات الناس ال متجمعه يعلى ويقولو كلهم ف اصوات واحدة.
_متفتحيش الباب، لأ