-ايه رأيك نتغدي معايا النهاردة ..هفسحك فسحة حلوة …ها قولتي ايه ؟!
-معلش يا فؤاد مليش مزاج النهاردة ..
تلاشت الابتسامة من على وجهه وقال:
-مالك يا نسرين فيه ايه؟!حد ضايقك؟!عمي زعلك تاني ؟!
هزت رأسها بالنفي وهي تنظر إليه …ترتب الكلمات في عقلها كي تقولها وترتاح تماماً…
-فؤاد انا حابة اقولك حاجة ضرورية ممكن ؟!
هز رأسه وقال:
-طبعاً اتفضلي قولي فيه ايه ..أنتِ قلقتيني!!!
-أنا مش عايزة جوازنا يكون حقيقي !
قالتها بنبرة حازمة وهي تنظر إليه …لم تحيد عينيها عنه بهت فؤاد وهو ينظر الى عينيها باحثاً عن أي أثر للمزاح …او التردد ..ولكنه وجد عينيها باردة كقطع الجليد …لمعة عينيها اختفت تماماً…كانت نظراتها باردة …عينيها الزرقاء التي كان يغرق بهما دوماً جمدته اليوم …
-نسرين ..أ…
ولكنها قاطعته وهي تقول :
-أنا مقدرة اللي أنتَ بتعمله عشان خاطري عشان كده شايفة ان ملكش ذ نب تتدبس في واحدة زيي …أنت تستاهل
الأحسن عشان كده جوازنا هيكون صوري ومؤقت ..لحد بس ما اقدر اعتمد على نفسي وأبعد عن بابا …ولو حابب بعد جوازنا تتجوز واحدة تاني اعتبرني مش موجودة وأعمل اللي أنتَ عاوزه …كتر خيرك لحد دلوقتي أنتَ ساعدتني كتير …
أمسك كتفها وأخذ يهزها بقوة وقال:
-ايه اللي أنتِ بتقوليه ده …معقول لحد دلوقتي مفهمتيش …لحد دلوقتي محستيش بيا …أنا بحبك …وعايزك أنتِ وبس …عايز أحميكي …اعيش معاكي كل حياتي و….
قاطعته بهدوء وهي تدفعه :
-وأنا مش عايزاك …مش بحبك !!!
بهت وهو ينظر إليها….هو كان متيقن انها لم تحبه بعد ولكن ان تخبره هذا بكل صراحة حطم قلبه …وللمرة الثالثة ..للمرة الثالثة ترفضه وتحـ.طم قلبه…
ولكن لا يعرف لماذا تلك المرة كانت قوية للغاية على قلبه …
ضمت نسرين كفها بقوة وهي تنظر إليه …كانت تشعر بالشفقة عليه …وكانت تكر ه نفسها لانها أ.لمته بتلك الطريقة…ولكن ربما هذا أفضل لكي لا يتعلق بها …لكي يتركها قريباً ويتزوج ممن تليق به …
-متزعلش مني يا فؤاد ..دي الحقيقة ..حاولت ومقدرتش …أنا بتمني تلاقي الإنسانة اللي هتقدر تسعدك واحدة احسن مني مليون مرة …أنا مبقاش عندي حاجة اقدمها لحد …أنا حبيت واتجر حت ومش ناوية ادي قلبي لحد تاني حتى لو كان الحد ده انت…
ضغط على كفيه بقوة وقال:
-أنتِ لسه بتحبيه ؟!لسه بتحبي يوسف .
-ايوة لسه بحبه يا فؤاد ومش هبطل أحبه …
ثم ركضت من أمامه..
وبتلك الطريقة قتـ لت الأمل داخله !!
♡♡♡♡♡♡♡♡♡♡♡♡♡♡