-يا بابي رابونزل البنت اللي في الكارتون اللي شعرها طويل اووي دي …أنا وأنت شوفنا الكارتون السنة اللي فاتت …
-يا سلام كارتون شوفناه السنة اللي فاتت هفتكره السنة دي يعني ليه.مخي كمبيوتر ؟!هنعمل ديل حصان زي كل مرة ملناش غيره …
ربعت ياسمين ذراعيها وهتفت بإعتراض :
-بس يا بابي أنت بتقول أنك.مهندس وانك ذكي ومتنساش بسرعة…ازاي بقا نسيت الكارتون …مش مفروض أنك.ذكي …
ضحكت ورد برقة ثم راقبته.بتسلية ..فقال ياسين :
-عشان احنا كمهندسين مبنفتكرش الحاجات اللي مش مهمة بالشكل ده …كفاية علينا الشغل يا لمضة أنا مش هعمل تسريحة رويدا دي اللي أنتِ بتقولي عليه …هنعمل ديل حصان حاجة من تراثنا اللي نفتخر بيه
-بس.تسريحة ديل الحصان مش من تراثنا خالص يا ياسين و…
تدخلت ورد ليقول ياسين :
-أبوس على ايديكي يا ست الناس اسكتي خليني اخلص شعرها عشان أسرح شعرك ولا تسرحيه لوحدك …
-لا لا خلاص سكت أهو …
ابتسم وقال:
-شطورة يا روحي …
ثم بدأ بتمشيط شعر ابنته وربطه له في ذيل الفرس وعندما انتهى قال :
-ايه الجمال ده بس تسلم إيدي …أنا خسا رة في البيت ده …
نظرت إليه ياسمين بغضب وقالت:
-المرة الجاية هتعملي تسريحة رابونزل …
-يالا يا بت من هنا …اللي بعده…
ابتسمت ورد بلهفة واقتربت منه ثم جلست أسفل الأريكة ليقول وهو يمسك المشط والكريم…
-أنا بفكر افتح كوافير هكسب فلوس ياما ..
-بلاش افورة يا ياسين انت مبتعرفش تعمل الا ديل حصان كوافير ايه ده اللي تفتحه هي …