-قولي يحيى ..اسمي يحيى… شيلي أي تكليف بيننا …مش عايز رسمية …
نظرت إليه بدهشة ليكمل هو :
-رانيا أنا عايز اتكلم معاكي …ضروري اتكلم لو سمحتي اديني فرصة بس …
صمتت مرتبكة بينما قال:
-لو مش عايزة تدخلي الكافية. تعالي نتمشى شوية ونتكلم …او نتكلم في العربية …او
-خلاص نتكلم في العربية ..
قالتها بهدوء وهي تراه بهذة الحالة
-شكراً يا رانيا ..
قالها مبتسماً ثم فتح باب السيارة لتدخل هي …
….
بعد قليل كان يجلس بجانبها في السيارة وقرر ان يدخل في الموضوع مباشرة
-رانيا أنا عرفت أنك بتدوري على شغل الفترة اللي فاتت …وعارف ان بسبب والدتي خـ سرتي شغلك عشان كده أنا لقيتلك شغل كويس و ..
قاطعته وهزت رأسها
-شكرا ليك بس أنا ..
-لو سمحتي ده مش فضل مني ..أنتِ خـ سرتي شغلك بسببنا ودي أقل حاجة أعملها …لو سمحتي اقبلي الشغل عشان ابقى مرتاح على الأقل…
تنهدت وقالت:
-هقبله بس بشرط ..
-قولي .
-انك متحاولش تقابلني تاني…عايزاك متحسش بتأنيب الضـ مير واعرف أنك عملت اللي عليك ..ده شرطي ..في اليوم اللي اشتغل فيه تمحيني من حياتك !!
♡♡♡♡♡♡♡♡♡♡♡♡♡♡♡♡♡
-بابي اعملي تسريحة رابونزل ممكن ..
قالتها ياسمين ووالدها يمشط شعرها ..عبس ياسين وقال:
-ومين.رابونزل دي كمان ؟!بتجيبي الأسماء الغريبة دي من فين يا بت …