-أنا معرفش عملت ايه لده كله أنا حبيتك …صحيح الموضوع غريب بس بجد حبيتك …حبيتك بعد ما قفلت قلبي …وفضلت قافله كتير لحد ما أنتِ ظهرتي ولو كان حبي ليكي مشكلة فأنا آسف بس متعيطيش ..
كلامه جعلها تبكي أكثر …جعلها تشعر بالقر ف من نفسها وقالت من بين شهقاتها :
-أنت مش فاهم حاجة …مش فاهم…
نظر إليها بإحبا ط وقال:
-طيب فهميني …اعملي فيا معروف وفهميني …
ابتلعت ريقها بتوتر وصمتت تماما وهي تمسح دموعها …
أوقف السيارة وتنهد وهو ينظر إليها …ادار وجهها نحوه وقال:
-بيري قوليلي ايه المشكلة وفهميني …ايه اللي يخليكي خايفة ما تحبيني …خايفة أنك تستسلمي وتسلميني قلبك ومشاعرك ..ليه الخو ف ..
-دي مش حياتي يا عدي …أنت مش من حقي …أنا …
ضغطت على شفتيها وهي تنهار بالبكاء بينما عبس وهو ينظر إليها بدون فهم وقال:
-لا مش فاهم يعني ايه دي مش حياتك !!!
تلوت معدتها من الأ لم …ماذا تقول هل تخبره الحقيقة الآن تلك فرصة لن تعوض وقد يسامحها …قد يغفر عندما يعرف انها لم تقصد أبداً ان تخد.عه …ولكن شيطا نها سخر منها …ذكرها بكارمن التي ظلت ساعات امام بوابة القصر ولكنه لم يشفق عليها أبداً بل ظل ينظر إليها ببرود وهي تتوسله وتصرخ …..وهي لا تختلف عن كارمن كثيراً ..لقد خد عته كارمن بأمر من شريف …
وهي أيضاً خد عته من اجل شريف لانه هد دها …بالطبع عدي لن يصدقها …وأخيراً خوفها انتصر عليها وشجاعتها تضاءلت للغاية وهي تنظر إليه بعجز بينما ظل هو عاقداً حاجبيه ويقول :
-قولي يا بيري يعني ايه دي مش حياتي ؟!أنتِ بتقولي ايه ؟!
غار قلبها داخل صدرها وهي تبحث عن حجة أي حجة تتمسك بها لكي لا يشك بأمرها …لقد تراجعت عن قرار اخباره بالحقيقة وقررت ان تستمر في لعبتها تلك على الرغم من علمها انها هي من ستعاني بالنهاية !!!
-مستني ردك.يا بيري !!