وقفت أمام منزل السيدة ماجدة وطرقت عليه ….دقائق وفتحت لها سيدة بمنتصف العمر يبدو على ملامحها الطيبة واللطف
-رانيا ازيك يا حبيبتي..
قالتها ماجدة بترحاب لتقول رانيا …
-ممكن أدخل يا خالتي …
-اكيد يا بت البيت بيتك ادخلي يا رانيا …
ولجت رانيا الى المنزل وهي تبتسم بإرتباك …جلست ماجدة وقالت:
-اتفضلي يا بت يا رانيا اقعدي هو أنتِ غريبة …
هزت رانيا رأسها وجلست على الأريكة ….
-تشربي ايه يا بنتي ؟! …
-لا لا يا خالتي أنا بس عايزاكي في كلمتين وهمشي علطول و…
لكن ماجدة قاطعتها بلوم وقالت:
-كده برضه يا رانيا …لا يا حبيتي لازم تشربي حاجة استني ..بت يا نورهان …
أتت فتاة مراهقة من الداخل والتي كانت ابنة ماجدة وقالت:
-نعم يا ماما ..
-روحي اعملي لرانيا عصير المانجا اللي بتحبه يالا …
ابتسمت الفتاة ونظرت إلى رانيا قائلة:
-حاضر يا ماما من عيوني …ازيك.يا أبلة رانيا نورتينا
-بنورك يا حبيبتي .