close
في صالون التجميل …
انتهت جواهر من التنظيف ومسحت عرقها لتقترب منها صاحبة المركز وتقول بإبتسامة :
-تسلم ايديكي يا جواهر …شغلك دايما نضيف …
ابتسمت جواهر وقالت:
-تسلمي يا مدام. ..مبسوطة أن شغلي عجبك …
مدت لها السيدة بالمال وقالت:
-ودي حسابك يا جوجو ..
اخذت منها جواهر المال شاكرة وابتسمت لها وهي تقول :
-متشكرة اووي يا مدام ميريهان ….
ثم نظرت إليها بتردد لتقول السيدة ميريهان :
-فيه حاجة يا جواهر ؟!عايزة تقولي حاجة ؟!
ابتسمت جواهر بإحراج وقالت :
-بصراحة يا مدام أنا كنت عايزة الباروكة دي …استلفها يعني لو معندكيش مانع أو ممكن اديكي حقها ..أنا حبيتها اووي ..
ثم أشارت إلي شعر مستعار باللون البني مختلط بخصلات ذهبية …ابتسمت السيدة ميريهان وهي من داخلها تشعر