من الناحية الآخرى ..كان يوسف يمسك الهاتف وهو يقرأ الرسالة بينما من داخله محطم .؛
-يوسف أنا حبيتك …فعلا حبيتك وخليتك أماني …لقيتك انت الوحيد اللي بتحبني …أنت الوحيد اللي ادتني الحنان اللي كنت محتاجاه في حياتي وحاولت دايما أني اديك زي ما ادتني ..بس أنت في النهاية كـ سرتني …وعرفت يا يوسف أنك زيه ..أنك زي بابا …بابا بيفضي غلبه فيا عشان اللي عملته ماما رغم انه بيعامل طنط نهى كويس وأنت .. أنت بتعا قبني عشان رقية
سابتك …يعني أنا حاجة تفضوا فيها غضبكم أنت وبابا ..بس أنا مش هسمح لنفسي اني أكون كده …أنا هبعد عنكم…هتجوز فؤاد وأبعد عنكم…أنا خرجتك من حياتي يا يوسف وقريب لما اتجوز فؤاد هخرج بابا من حياتي كمان …مش عايزة أي اشخاص سا مة في حياتي !أنا هعمل بلوك ليك متحاولش تتواصل معايا تاني لو سمحت ..سلام ..
أغمض عينيه وهو يصرخ بقوة ويفكر انه ها قد طارت عصفورته للأبد!!
♡♡♡♡♡♡♡♡♡♡♡
-نفسي الزمن يوقف هنا ..نفسي يا موسى ..
قالتها ليان وهي تغمض عينيها بينما تستند برأسها على صدر موسى …كانا ببقعة هادئة بالقصر ..تحت إحدى الأشجار ..كان هو يستند برأسه على الشجرة بينما يريحها على صدره …شعرها يلامس أنفه وفمه …بدا كل شئ رائعاً أخيراً …أخيراً شعر بالسعادة بعد سنوات من الحزن ولوم الذات …قبل رأسها وقال :
-وأنا كمان نفسي الزمن يقف بيا هنا …خايف الوقت يمر يا ليان …مش عايزة يمر … عايز افضل معاكي كده …ابص في وشك وبس …ميبقاش ورايا حاجة غير أني اتأملك وانا بقول جوايا معقول دي ملكي أنا …
-وأنت يا موسى ملكي ؟!
سألته ليان وهي تستدير إليه …تنظر إليه بعينيها المتسعة تنتظر الإجابة بلهفة بينما قلبها يدوي بعنف داخل صدرها
تنهد موسى ومد كفه وأمسك ذقنها وهو يتأملها …يغوص بعينيها..كم هي مبهجة للنظر …كم هي جميلة بشكل لا يُصدق …يكفيه ان يرى ابتسامتها تسطع على وجهها ليسعد هو الآخر ..كيف تملكته تلك الصغيرة …كيف سلـ بت عقله بتلك القوة …
زمت ليان شفتيها وهي تجده شارد فقالت بغضب طفولي:
-موسى أنت مش عايز تجاوب ليه…انت بتهر ب من إجابة سؤالي صح ؟!
ابتسم وهو يلتقط كفها ويرفعه الى شفتيه ويقبله ثم يضعه على قلبه. الهادر ويقول:
-ده ملكك …يبقى أنا كلي ملكك متشكيش في ده يا ليان ….
ارتعشت الابتسامة على شفتيها وضمته قائلة:
-أنا بحبك …بحبك …
-وانا كمان بحبك اووي ….