أحد على الأقل كي ترتاح …
أكملت وهي تنظر أرضا وتمط شفتيها بحزن :
-ساعات بحس انه بيحبني بس ساعات لا …أنا محتارة …طيب لو بيحبني مش مفروض يعترف …يأخد خطوة ..ليه خايف هو أنا بعض …
هزت تحية رأسها وقالت:
-يا عبيطة الحوار مش كده …بس هو شايف ان مفيش توافق …أنتِ بنت راجل غني وهو مجرد ميكانيكي…
-ده تفكير متخلف اووي …
-لا بالعكس ده تفكير واقعي…هو بيفكر صح …لازم تتجوزي اللي من توبك …هو أنا صحيح بحاول افهمه ان ده عادي وممكن يجتهد ويتجوزك ويعيشك في مستوى احسن بس هو عنيد …فاكر ان أبوكي مش هيرضى بيه …وهو عنده حق يا عبير …أبوكي هيرضى يجوزك لميكانيكي؟!…
احمر وجه عبير بغضب وقالت:
-وهو ماله أصلا بعد اللي عمله ملوش حق يتحكم في حياتي يا تحية …ده كان عايز يبيعني …
ابتلعت ريقها وهي تتذكر صديقتها التي عانت بدلا منها وقالت:
-وخلى صاحبتي تعاني …هو ملهوش حق يتحكم في حياتي بعد النهاردة ومش هسمحله يتحكم فيها …يعني مفيش داعي أمير يحط.النقطة دي في باله ..علاقتي مع شريف صديق هي بس ان اسمه ورا اسمي في البطاقة لكن أنا عمري ما
هسامحه ولا أرجع واعيش معاه …
ربتت تحية على كتفها عندما وحدها منفعلة وقالت:
-طيب أهدي متعصبيش نفسك …اهدي خالص …
ثم عانقتها بقوة …وظلت لحظات تربت على كتفها الا انها انتفضت وصوت توأميها يصرخان :