هزت رأسها وهي تحاول السيطرة على دموعها وقالت بتوجس:
-مش هتغير رأيك بعدين وتعاملني ببرود ؟!;
أ لمه أنها فقدت ثقتها به بسبب ما فعله ولكنه ابتسم وقال :
-لا … مستحيل ….أنا هبقى معاكي للأبد …هفضل أحميكي يا ليان …هحبك لحد آخر يوم في حياتي ده وعدي ليكي …طول
ما أنا عايش أنتِ هتبقي بخير …هحميكي بحياتي …عمرك ما هتشوفي مني برود تاني يا ليان …عمري ما هجر حك أبداً…أنا من النهاردة ملكك …قلبي ملكك…زي ما قلبك ملكي ومش هسمح لحد يأخدك مني …
ابتسمت له ابتسامة حلوة …وقد بدا كل شئ بخير أخيراً …فها هو حبيبها معها وسيبقى معها للأبد .
♡♡♡♡♡♡♡♡♡♡♡♡♡
فتحت عينيها لتجده جالس أمامها مبتسما…عينيه الخضراء تشع من السعادة…
ابتسمت ورد وهي تقول:
-صباح الخير …
-صباح الورد يا وردتي .
اتسعت عينيها بدهشة محببة ونهضت وهي تعدل من وضع شعرها وتقول:
-لا لا …ايه التقدم الرهيب ده ؟!
-أنتِ ليه محسساني اني جلنف ومش رومانسي …
ضحكت بنعومة وقالت؛
-لا العفو…
سحب ياسين الطاولة المتحركة التي عليها صينية الإفطار وقال:
-أنا جهزتلك الفطار بنفسي اهو وجيبتهولك للسرير……
كانت مصدومة الأن وقالت:
-لا لا أنت اتلبست ولا ايه فين ياسين جوزي…
قبلها من رأسها وقال:
-متقلقيش يا روحي من النهاردة ياسين تاني خالص …
ابتسمت له وعينيها تلمع بعشق ليقول هو :
-تحبي اقولك شعر لمحمود درويش …
-قول
أغمض عينيه ثم فتحهما مرة آخري وهو يتذكر سوف جذب كفها وقبله وشد.عليه بعاطفة وقال بنبرة تفيض عشقاً ؛
-أحببتك مرغماً ليس لأنك الأجمل بل لأنك الأعمق .فعاشق الجمال في العادة أهبل !!
أغمضت عينيها وهي تكتم ضحكتها قم فتحتهما وقالت :
-اهو ياسين جوزي رجع الحمدلله …مفيش اهبل غيرك هنا القصيدة بتقول (أحببتك مرغماً ليس لأنك الأجمل بل لأنك الأعمق .فعاشق الجمال في العادة أحمق )