شقيقته …بدا وكأنه فقد حياته….
اقترب يحيى من موسى وقال بنبرة رسمية؛
-مفيش داعي تفضل هنا يا استاذ موسى …هي نايمة دلوقتي وهتفوق بكرة …بتتعب نفسك على الفاضي …محدش هيقدر يأذ يها هنا .
لم ينظر إليه موسى حتي بل ظل مطرقاً برأسه …تنهد يحيى وجلس بجواره وقال :
-الموضوع حصل فجأة ..مكنتش مستعد ..فجأة لقيت نفسي وسط ناس وبتضر ب وأنا مش فاهم حاجة …أنا اسف اني مقدرتش أحميها …
أغمض موسى عينيه ومازال الخوف ينهـ ش قلبه …لم يزل توتره بعد …مازال يشعر بقلبه ينبض بشدة ولكن رغم هذا رفع رأسه ونظر إلى يحيى وقال :
– ده مش غلطك …اسف اني انفعلت عليك …بس كنت خايف ..ليان طول عمرها مسئوليتي ولو كان حصلها حاجة عمري ما كنت هسامح نفسي …فسامحني لاني عملت كده …
هز يحيى رأسه وقال:
-ولا يهمك الخوف بيخلينا نعمل أكتر من كده …أنا كمان اتخضيت عليها …افتكرت أن حصلها حاجة ..
تنفس موسى بحدة ليكمل يحيى :
-بس الحمدلله ربنا كريم أووي…هي بقت دلوقتي كويسة وتجاوزت الخـ طر وهتطلع من هنا بالسلامة…
نظر موسى إلى يحيى مجدداً وقال:
-وده بفضلك بعد فضل ربنا طبعا…أنت اللي أسعفتها ..وأنا مفروض اشكرك على اللي عملته …
ابتسم يحيى وقال وهو ينظر إليه بتركيز :.
-أنت مهتم أووي بليان …أنا حاسس انها مش مجرد واحدة بتحميها …
ابتلع موسى ريقه ليكمل يحيى :
-أنا مشوفتش الخوف ده في عيون عدي ذات نفسه …
نهض يحيى مبتسماً وقال :
-انا مش بؤمن بالحب صحيح …بس شايف ان لو فيه فرصة نبقى مبسوطين منضيعهاش ….أنت تستحق تكون فرحان وليان كمان ..
نظر إليه موسى بصدمة ليبتسم يحيى ويقول :
-بالمناسبة أنا وليان أنفصلنا … عرفنا احنا الاتنين أننا مش لبعض …وانا عرفت دلوقتي هي ليه اختارت الإنفصال …هي كمان بتحبك …بتحبك أووي .
ثم تركه وذهب …وكأن الله أعطاه فرصة آخرى …فرصة أن يحتفظ بليان للأبد !!
♡♡♡♡♡♡♡♡♡♡♡♡♡
وصل إلى قصره وتركها واتجه إلى مكتبه …دون أي كلمة …كان يعرف ماذا سيعرف …حسان رشيد تجاوز الحد ..سوف ينسى صلة القرابة التي تجمع بينهما وسوف يقتـ له …يقسم أنه سيقتـ له …لقد حاول قتـ ل شقيقته …قطعة منه …فتح الخزانة الخاصة به وأخرج سلاحه النا ري وهو يدسه في ملابسه ويخرج على عجلة …كانت جواهر واقفة بحيرة تنظر إليه وهو يخرج