-جميل …
قالها مبتسما وهو يجعلها تتقدمه ليستقلا المركبة المزدوجة …
……
أصوات مفز عة تنطلق من كل مكان …وجوه مُر عبة تخرج من الحوائط …كان نسرين ترى هذا وتضحك على شكل فؤاد الذي بدا عليه التوتر لدرجة انه عندما خرج شكل مهرج من الحائط اطلق صرخة صغيرة لتضحك هي أكثر عليه …
….
بعد ان خرجا كان وجه فؤاد أحمر قليلا من الإنفعال بينما كانت نسرين تضحك بالفعل من قلبها ..نظر فؤاد إليها وقال بغيظ:
-شكلك فرحانة فيا !!
هزت رأسها موافقة وقالت:
-بصراحة كده آه
نظر فؤاد الى بائع حلوى القطن وقال:
-تحبي تأكلي غزل بنات أجيبلك …
هزت رأسها بسرعة …
….
بعد قليل كانا يأكلان حلوى القطن بهدوء وهنا جالسان على المقعد الخشبي …
-آخر مرة مردتيش عليا .
قالها فؤاد فجأة لتنظر إليه نسرين فيكمل :
-قولتلك اني معجب بيكي …
اتسعت عينيها وأحمرت بخجل شديد فنظر إليها وهو يبتسم بلطف ويقول:
-ممكن نقول ان الموضوع تخطى الإعجاب من زمان …
-ده ..
قالها وهو يشير الى قلبه ثم أكمل :
-ده مش عايز يشوف غيرك …الموضوع من زمان يا نسرين …من قبل ما حتى ماما تتجوز باباكي …حاولت انكر ..حاولت اهرب بس أنا دايما كنت سجـ ينك أنتِ …أنا مش بحبك وبس ..أنا بغرق فيكي…في عيونك …
نهضت بإرتباك وهي تبعث بعنف …نهض هو معها لتقول هي :
-بس اسكت…اسكت متتكلمش ..ازاي تفكر في كده …
اطرقت وهي تقول :
-انا مش بحبك …انت زي أخويا !!!
♡♡♡♡♡♡♡♡♡♡♡♡
في المساء
-طيب يا جواهر طمنيني هتعملي ايه ؟!!قوليلي في بالك ايه !!!
قالتها عبير وهي تقضم اظافرها بتوتر بينما تتحدث مع جواهر على الهاتف وهي تذرع صالة المنزل الصغيرة وهي تشد احيانا شعرها بتوتر …