انسابت دموع ليان وقالت:
-أنتِ فين ؟!!
ما ان اخبرتها نسرين بمكانها حتى التقطت ليان ملابسها وبدأت ترتديها مُسرعة …
…………..
فُتح باب المكتب لتدخل ليان ووجهها يغطيه علامات الهلـ ع…نهض عدي بقلق وقال :
-خير يا لي لي فيه ايه ؟!!
اندفعت ليان إليه وأمسكت كفه وقالت:
-عدي …عدي لازم اطلع دلوقتي …نسرين اتصلت بيا ..وواضح انها واقعة في مشكلة كبيرة أووي ..
هز عدي رأسه وقال:
-طيب أهدي …اهدي وخدي نفس. ..
هزت ليان رأسها وهي تمسح الدموع من عينيها وتنظر لعدي برجاء …
-طيب موسى هيروح معاكي ويجيبها تمام ..
هزت رأسها…لم تعترض ابدا !!
……..
بعد قليل …
كان موسى يقود السيارة خارجا من القصر …كان على وشك النوم من شدة التعب ولكن خوف ليان على صديقتها جعله ينهض …هو لم يكن ابدا ليتركها تذهب من دونه …هذا مستحيل …
-اسفة عشان خرجتك في الوقت ده .
قالتها ليان بنبرة باردة نوعا ما ليقول موسى بسخرية:
-لا ولا يهمك بما اني فـ شلت اكون البودي جارد بتاعك اللي يحميكي على الأقل أنا ناجح في ان أكون سواقك …
ابتلعت ريقها وقد شعرت بالدموع تحرق عينيها وقالت:
-مكانش قصدي اقلل منك وانت عارف …