-معلش يا رانيا قبل ما تمشي حاجة أخيرة هتعمليها …ودي العصير والجاتوه ده للضيوف اللي برا…خطيب أنسة ليان ومامته وأبوه جم …
ابتسمت رانيا وقالت:
-عيوني يا أبلة حاضر …
ثم أمسكت الصينية ووضعتها على الطاولة المتحركة وهي تدفعها برفق مبتسمة …لقد أحبت العمل هنا .. الجميع هنا ظريف ….
كانت مطرقة برأسها ما ان دخلت …أمسكت أول صينية والتي عليها العصير الطازج وقالب الكيك وذهبت لتعطيه للسيدة التي تجلس ولم ترفع رأسها لترى يحيى الذي ينظر إليها بصدمة بالغة…
-اتفضلي يا هانم..
قالتها رانيا مبتسمة ورفعت رأسها الا انها شحبت وهي ترى يحيى أمامها …توقفت الكلمات في حلقها واتسعت عينيها بشدة
…ولم تسيطر على نفسها وامالت الصينية قليلا حتي انسكب بعض العصير على السيدة ليلى …
شهقت ليلى ونهضت وهي تمسح فستانها الثمين…نظرت إليها رانيا بخوف وابتعدت قليلا وهي تقول :
-أنا اسفة …اسفة أووي يا هانم…
-خلاص يا رانيا حصل …
قالتها ليان ولكن ليلى تدخلت وصرخت :
-هو ايه اللي خلاص يا ليان …الغبـ ية دي بو ظت فستان غالي… يشتري عيلتها كلها وأنتِ تقوليلي حصل خير. ..
اطرقت رانيا برأسها ودموعها تتساقط لينهض يحيى ويقول بإستياء :
-خلاص يا ماما كفاية لو سمحتي !!
-لا مش كفاية أنا مش عارفة مادام مش عارفة تتنيل تشتغل بتخدم في قصر محترم زي كده ازاي …دي واحدة غبـ ية وحما رة ..مش عارفة تشوف شغلها كويس !!
نظر يحيى متسع العينين الى رانيا التي ثبتت عينيها على الأرض بينما يرى الدموع تتساقط منهما.
-ردي عليا يا غبـ ية هتعرفي تجيبي حق الفستان اللي بو ظتيه !!
-مدام ليلى مش من حقك تهيني حد وأنتِ في بيتي !!
قالتها جواهر وهي تظهر بجوار عدي الذي كان ينظر بضيق الى ليلى وقد حضر الموقف من أوله ..
نظرت ليلى الى زوجة عدي وقالت:
-الغبـ ية دي …
ولكن جواهر قاطعتها بقوة وهي تقول :
-رانيا اسمها رانيا …ملكيش حق تهـ يني حد في بيتي سواء ضيف او حد بيشتغل هنا يا هانم …متنسيش أنك ضيفة هنا كمان ومش من حق الضيفة تهـ ين حد من اللي شغالين هنا …
-وأنتِ مين عشان تقولي أعمل ايه ومعملش ايه !!!
زعقت بها ليلى لترفع جواهر رأسها وتقول :
-انا مرات عدي رشيد ..عبير صديق وصاحبة البيت ده ..وأنا اللي كلمتي تمشي هنا …وأنا اللي بقولك ان التصرفات دي غير مقبولة ابدا هنا …لو زعلانة على الفستان أنا اديكي حقه واعوضك لكن متهنيش أي حد شغال في بيتي …أي حد.!!
قضمت ليلى شفتيها بغيظ وقالت: