-هو أنت بتبصلي كده ليه؟! أنا خوفت …
ضحك عليها …حقا ضحك حتي بانت غمازاته الرائعة وقال وهو يقترب قليلا بوجهه:
-بحللك نفسيا …
عبست بوجهه وقالت:
-بس أنت مش دكتور نفسي …
-بس درست علم النفس على فكرة يعني قريت عنه كتير سواء كتب او مقالات وكمان شوفت فيديوهات لمعالجين نفسيين كتير ..يعني خبير …أنا بعشق علم النفس أووي على فكرة ..ممتع أووي …
ابتسمت وقالت:
-طيب بما أنك خبير تقدر بقا تقولي تحليل شخصيتي ايه ؟!
-هحتفظ بيه لنفسي
قالها بمشاكسة فردت ضاحكة :
-يبقى انت معرفتش تحلل شخصيتي أنا غامضة للدرجادي ؟!
-بالعكس أنتِ شفافة أوووي ورقيقة …
أجفلت وأحمرت بقوة ليكمل هو :
-أنتِ اجمل وأرق بنت شوفتها في حياتي ..مشوفتش في جمالك …
نهضت وقالت بإرتباك ؛
-أنا ماشية عن إذنك ..
ولكنه وقف أمامها وقال:
-نسرين…أنا معجب بيكي …وأنتِ عارفة كده كويس وم…
شهقت وعينيها ترطبت بفعل الدموع وقالت:
-معلش بعدين نتكلم…بعدين …
ثم هر بت من امامه بسرعة بينما ظل هو ينظر إليها بحزن
………….
كانت تسير في الشارع وهي تشعر وكأن العالم الرحب يضيق بها …لا تريد أن تفكر بإعتراف فؤاد…لا تريد أن تفكر به…
رن هاتفها فجأة اخرجته لتجده يوسف ..فتحت الهاتف وردت عليه لتقول بعد لحظات :
-أيه أنت تعبا ن …طيب أنا جاية في الطريق …
…………