وقف أمامها وانتزع الصورة منها لتشهق بخوف وتقول والدموع علي أعتاب عينيها:
-أنا ..أنا آسفة…
-أعمل أيه بأسفك …اعمل أيه بيه …ليه كل شوية تدخلي أوضتي من غير أذن …ليه مش عايزة تسيبيني في حالي يا ليان الحب مش …
كان يصرخ بوجهها لتنفـ جر هي :
-خلاص …خلاص عرفت مش لازم كل شوية تسمعني الكلمتين دوول يا موسى …أنا مش جاية أطلب حبك …كنت جاية اطمن عليك ويظهر أنك كويس أوووي وأنا أسفة لو أزعجتك …وعد مني هخلي اللي بيننا شغل وبس …
ثم كادت أن تذهب إلا أنها توقفت وهي تنظر إليه بينما تمسح دموعها بإنفعال:
-صحيح حابة أشكرك عشان أنقذت حياتي …صحيح بتقول ده شغلك بس واجبي برضه أشكرك …شكرا أووي ليك …
ثم تركته وغادرت ليجلس على الفراش بإنهيار وهو يفكر أنه ربما أبعدها عنه للأبد!!
……
أتجهت ليان بسرعة الى مكتب شقيقها ثم طرقت الباب ودخلت وقالت دون إنتظار:
-عدي أنا موافقة اتجوز دكتور يحيى!!!
………..
في اليوم التالي …..
-سمعتي دكتور يحيى خلاص هيخطب …النهاردة الخبر انتشر في المستشفي…البت ميار قالتلي انها سمعته بيقول هيروح يقابل النهاردة العروسة اللي جابتهاله أمه .
قالتها احدي الممرضات وهي تضحك بينما ابتسمت الممرضة المسنة الآخري بحنان وقالت:
-الحمدلله عقدته هتتفك …الدكتور يستاهل كل خير ربنا يسعده دايما…
تلك الكلمات وقعت عليها كالصاعقة …تجمدت الممسحة في يديها وتصاعدت الدموع بعينيها…شفتيها ارتعشت أرادت ان تهرب ولكن الي اين …شعرت بالإختنا ق …رباه تشعر انها سوف تمو.ت…العالم يضيق بها …أغمضت عينيها وهي تتنفس بقوة …