-أنا عملت ايه يا بابا ..فيه ايه ؟!
-فيه انك قليلة الذوق بطريقة مستفزة …معاملتك مع مراتي زي الز فت …فيه أنك متربتيش …
-كريم!!محصلش حاجة لده كله .
قالتها نهى بصدمة لتصرخ نسرين فجأة:
-أنا عملت ايه لده كله …أنت بتتلككلي ..ايه مش عاجبك وجودي في البيت قولها بصراحة بدل ما تحاول تطفشني …
-أنتِ فعلا قليلة الادب ..
صرخ كريم ثم صفـ عها بقوة …
-عم كريم !!!
زعق فؤاد وهو يمسك نسرين ويبعدها عنه ولكن كريم كان غاضب اقترب منها ورفع كفه ليضر بها مرة آخري ولكن كفه تعلق في الهواء …نظر ليجد ان يوسف يمسك كفه ووجه تلون بلون الغضب …رفع يوسف كفه الآخر ولكـ مه بقوة حتي سقط أرضاً!!!
يتبع….
(إعتراف بالعشق)
وقع كريم علي الأرض وانفـ جرت الد ماء من شفتيه…كانت اللكمة قوية لدرجة ان سن من أسنانه قد انكـ سر …صرخت نهى ثم وضعت كفها علي فمها وهي مصدومة بينما بهت كلا من منير ونسرين …. فؤاد وحده من تحرك محاولا ابعاد يوسف كي لا تتفاقم المشـ كلة …نهض كريم وصرخ وهو يمسح الد.ماء من فمه:
-أنت اتجنـ نت يا يوسف …اتجننت ..
ثم أقترب من يوسف الذي حاول لكمه مرة آخري الا ان فؤاد وقف في المنتصف وهو يحاول أن يهدئ الوضع ولكن يوسف دفعه بعنـ ف ثم أقترب من كريم ولكمه مره اخري وقبل ان يقع أمسكه من قميصه وصرخ؛
-بتضر ب بنتك …بتضر ب نسرين يا كريم !!نسرين …هي دي وصية مراتك الله يرحمها …هي دي الامانة اللي قدرت تحافظ
عليها …
دفعه كريم وصرخ بعنـ ف:
-وأنت مالك …أنت مالك دي بنتي أنا …بنتي وانا بربيها وعارف أنا بعمل ايه …أنت عمرك ما هتفهم لان معندكش عيال …
سيبني أنا اربي بنتي بطريقتي !!!واتفضل أطلع برا بيتي يا يوسف مش عايز اشوف وشك هنا تاني ….لولا صداقتنا كنت عرفتك ازاي تمد إيدك عليا في بيتي ووسط مراتي وبنتي …لكن من النهاردة انسى أنك تدخل البيت ده ..انسى ..
هز يوسف رأسه وقال:
-لا لا مستحيل مش هسيبك تمد ايديك عليها تاني …نسرين هتيجي معايا …مادام مش قادر تشيل مسؤولية بنتك يبقي تيكي معايا …