ثم قبل رأس والدته ووالده ورحل…
ابتسمت والدته بسعادة وهي تقول :
-الحمدلله …الحمدلله اخيرا عقدة الولد هتتفك وهيتجوز…الحمدلله يارب …الحمدلله ..
-يحيى قال إنه مجرد هيقابل البنت …جبت من فين أنه هيتجوزها يا حبيبتي ده مجرد مقابلة وهيشوفها بس .
ده طبعا لو عدي وافق ..
عقدت حاجبيها وقالت:
-وميوافقش ليه يا حبيبي هو هيلاقي زي يحيى مين …دكتور وصاحب مستشفي ومحترم ومرتاح ماديا ومتدين
وأخلاقه عالية ومبيحطش السيجارة في بوقه ولا عمره عمل مشاكل …ده بالعكس هيفرح أووي لأن عدي بيعز يحيى جدا متنساش انهم كانوا صحاب وحتي لما لمحتله قبل كده رحب أووي بس كنت مستنية يحيى يشوف ليان والحمدلله شافها وعجبته …أنا كنت واثقة من كده علي فكرة ..
-طيب يا حبيبتي ربنا يتمملهم بخير ..
قالها وهو يكمل إفطاره …
……..
كان يحيى يقود سيارته وهو يصفر بينما باله رائق للغاية …لن يكذب لقد أعجبته الفتاة …رغم أنه سخر من والدته عندما أخبرته أنها سوف تعجبه ولكنها فعلا نالت إعجابه …لن يكذ.ب …ولكن قلبه لم يدق لها …وهو لم يهتم لانه لا يرى أن الحب مهم لتلك الدرجة …فالزواج الناجح ليس بالضرورة أن يكون أساسه الحب …من رأيه الدين والأخلاق ثم التوافق الإجتماعي والقبول هم أساس الزواج الناجح ..وبعد لقاؤه مع ليان سوف يحدد هذا.
……