في منزل عائلة خطاب …
-اكيد شوفت ليان رشيد أخيرا ..ايه رايك فيها ؟!
قالتها والدة يحيى علي طاولة الطعام بينما يحيى يتناول طعام الإفطار …
وضع يحيى قطعة خبر بفمه وقال:
-جميلة أووي يا ماما …عجبتني …
ابتهج وجه والدته ونظرت الي والد يحيى بسعادة لا مثيل لها فأن تناسب عدي رشيد هو حلم حلمت به منذ زمن
…قالت بلهفة ليحيى :
-يعني حبتها بجد نروح نتقدم …
وضع كوب العصير ونظر لوالدته بحيرة وقال:
-علي مهلك يا ماما …ايه دخل الحب في الموضوع …هي مبدئيا عجبتني …يعني مناسبة ليا وجمالها عجبني
وأسلوبها لطيف بس ده جواز مش بيتاخد خبط لزق كده …لازم أتكلم معاها وأشوف تفكيرها ايه لكن متجوزهاش كده علطول …
-ما فيه خطوبة يا بني !
-معنديش مانع يا ماما بس اتكلم معاها الاول يمكن منتفقش …
-يعني اتكلم مع عدي يا يحيى …
شرب كوب عصيره دفعه واحدة ومسح فمه بمحرمة ورقية وقال:
-تمام يا ماما اتكلمي معاه …يالا أنا ماشي دلوقتي ..