شهقة مصطنعة صدرت من فم جوري وقالت:
-أخص عليكي يا غريمتي ..أنتِ معرفتنيش …أنا جوري …
-اسفة مكانتش واخدة بالي…حضرتك بتتصلي ليه؟!
-بتصل بيكي عشان أقولك خبر هيفرحك اوووي اووي …
كانت الآخري لا تستطيع السيطرة علي سعادتها وأكملت :
-ياسين حبيب قلبي هيردني لعصمته وهنتجوز قريب …هو لسه.ماشي من عندي ومبلغني الخبر السعيد ده قولت والله لازم أشاركك بيه ..عيب متعرفيش ان جوزك هيتجوز !!!
تساقطت الدموع من عيني ورد وقالت بإنفعال:
-أنتِ كدابة …
ضحكت الآخري بتشفي وقالت:
-الله يسامحك يا ستي …أبقي أسالي ياسين حبيب قلبي إن كنت كدابة ولا صادقة ..
ثم أغلقت الهاتف بوجهها !!!
…..
لنصف ساعة وهي تدور في المنزل وهي تمسك شعرها بقوة …تشعر انها سوف تُجن حقا إن لم ينفي ياسين ذلك الكلام التي قالته تلك المجنو.نة ..هل هي جادة بكلامها ام تخبرها هذا لكي تقهـ رها …رباه هي سوف تجن…هي تحتاج أن تتحدث مع ياسين الآن …تحتاج أن تتحدث معه فورا لكي ينفي لها هذا الكلام السخيف …
فُتح باب المنزل ليلج ياسين داخله ووجهه متعب …
اقتربت منه وهي تقول:
-أنا عايزة اتكلم معاك …