=عايزه نصحتي بجد يا ايمان و تعملي بيها
ايمان
= اعمل ايه يا ماما….
حياء بابتسامه جميله
=انسى اي خوف و لو خايفه اتكلمي مع يوسف في موضوع الحبوب دي لكن لو عرف انك بتاخديها من وراه هتحصل مشكله كبيره يا ايمان…. الموضوع بيكون حساس بالنسبه للرجل مش دايما بيفهم خوف الطرف التاني
و بلاش تنسي ان يوسف يبقى تربيه جلال و ايوب
و الاتنين دول على اد ما قلبهم فيه حنيه لكن اقسم لك بالله فيها قسوة تخليكي تكرهي العالم كله
بلاش تلعبي على أوتار جوزك بلاش يا ايمان…. يوسف لو حس بحاجه حبه هيتحول لكره فهماني يا ايمان
اومات له بجديه وهي تحتضنها…
حياء بابتسامه
=ايمان خالي بالك من نفسك و على جوزك و هكلمك دايما فيديو كول
ايمان
=هتوحشيني يا أمي
قبلت يديها بحب قائلة
=كان نفسي اشوف صالح و زينب قبل ما اسافر….
حياء
=انا اللي بفكر اروحلهم حاسه ان صالح مخبي عليا حاجه و اليومين اللي فاتوا
مكلمتش زينب خالص و اخوكي كان بيتلكك حاسه ان في حاجه غلط و ابوكي شكله عارفها و الاتنين بيحوروا عليا
ايمان
=قصدك ان زينب يكون حصلها حاجه…