=كويس …
= لا أنا مقرتش لسه اي اخبار ..
كنت مشغول ..
ثم تابع بغضب مكتوم..
= المهم أنه يتفضح في كل وسائل الإعلام..وعلى بكره الصبح كل أسهم شركاته هتقع في البورصه
ثم تابع بقسوه..
ومهمتك الاساسيه أنك تلملي كل الأسهم الي هتضرب في البورصه عاوز على آخر اليوم يعلنوا إفلاسه
ثم تابع بتحذير شديد..
=بس اهم حاجه زي ما فهمتك
تشتري الاسهم بالاسعار الي انا محددهالك..انا عاوز تمن الاسهم ميغطيش ديونه .. .. مفهوم..
ثم تنهد وهو يغلق الهاتف و يقول بغضب شديد
= انا مش هرتاح الا لما اشوفه مرمي زي الكلب في السجن
ثم اغلق الهاتف وهو يشعر باشتعال النيران بداخله .
فهمست زينب بعدم فهم وهي تلاحظ امارات الغضب الشديد على وجهه..
=صالح… أسهم ايه… وسجن ايه اللي بتتكلم عنه؟ انت تقصد مين؟ و بتكلم مين دلوقتي
ابتسم وهو يقبل قمة راسها قائلا برفق حاد
=متشغليش بالك انتي يا زينب و كل حاجه هتفهميها في وقتها