=اسكت ..بس هتفضحنا.. ايه انت علطول بتضحك بصوت عالي كده..
ابتسم عمر وهو يتأملها بحنان ..
= هتصدقيني لو قلتلك اني قبل ما أشوفك عمري ما ضحكت من قلبي كده ..
بيلا بتبرم..
= يا سلام مضحكتش خالص قبل ماتشوفني.. ليه يعني.. شايفني اراجوز قدامك والا ايه ..1
ابتسم عمر وهو يتأملها بمرح..
=هو ده الي فهمتيه من كلامي
بيلا بغضب طفولي..
=مش انت الي بتقول عمرك ماضحكت الا لما شفتني..
ابتسم عمر وهو يقول بمرح..
=يا ستي بلاش سوء الظن ده انا اقصد ان دمك خفيف يعني مش شايفك اراجوز ولا حاجه ..
ابتسمت بيلا وهي تقول بغرور طفولي..
=اه ان كان كده معلش.. وعموما انت مش اول واحد يقولي كده
عقد عمر حاجبيه وهو يقول بغضب لا يعرف مبرره..
=ومين بقى الي بيقولك كده غيري..
ابتسمت بيلا وهي تعد على اصابع يدها بغرور..
=كتتير ..عم امين السواق ..مريم و محمود و
صفا وبابا و جدتي نبيلة و صحباتي في الجامعه هدى و سميحه
و سهى بس دي ما تتحسبش عشان بتقولها بتريقه أصلها مش بتحبني هي كمان بتشتغل معايا في نفس الورشه بتاع الرسم و الدكاترة دايما يقولوا ان رشتي ناعمة و رسوماتي افضل
تنهد عمر وهو يشعر بارتياح لا يفهم مصدره ..