=بجد انا هتشل منك يا عصمت
جلست على الكرسي بضيق و تذمر
=عايزانى اعمل ايه يعني يا ماما… ما انتي شايفه عمر بيه مش سايبلي فرصه
ابتسمت تفيدة بطمع
=يا بنت عمر شاب و طول وقته شغل و صفقات و لما يحب ياخد استراحه بسيطه بياخدها مع أي واحدة من مستواه عارفه انه مش هيكون معها في علاقة جاديه
لكن انتي بنت عمه يعني بمجرد ما يلقى الاهتمام والدلع وحنيه، هيطب و بعدين دا انتم في نفس القصر يعني اظبطي حياتك زي حياته علشان يحس انك مهتمه
.. وييجي يطلبك مني بقى
ابتسمت عصمت وهي تتابع طيفه بعينيها بإعجاب صارخ..
=متقلقيش يا مامي انا هعمل كل اللي قولتيلي عليه و متخافيش و اوعدك في خلال أسبوع هيجي يطلب ايدي منكم
تنهد والدها وهو يقول بتمني
=يا ريت يا عصمت ياريت.. ساعتها الكل هيعملنا الف حساب ومحدش في السوق هيقدر يقف في وشنا و خصوصا ان عمر هو اللي بيدير كل الشغل و نبقى ضمنا ان فلوس العيلة متخرجش برها
ابتسمت عصمت وهي تقول بثقه
=هيحصل يا بابي وقريب جدا كمان وبكره تقول عصمت قالت
ابتسمت تفيدة بسعاده وربتت على كتف ابنتها وهي تتأمل جمالها بثقه..
=انا واثقه فيكي يا عصمت و واثقه انك تقدري..
ثم تابعت وهي ترسم ابتسامه ناعمه على وجهها..
= يلا روحي هيصي مع اصحابك بدل التكتيفه الي كنتي فيها وهو هنا
اخرجي بس اوعي تتأخري بليل لولا أن عمر امبارح اتأخر في الشركة كان زمانه عرف انك سهرتي برا1
و انا أكدت على الحرس ان محدش يقوله و لو اني اشك اصلا عمر له عيون في كل حته بينقلوله الاخبار
في نفس التوقيت