يتبع ……
وقت الحنه بالليل في القصر ضرب نا*ر مغرق البلد دا اكبر فرح في الصعيد فرح احفاد الحج عمران عمدا البلد الكبير من الجدود ودا بيتورث العموديه عندهم دا القانون في البلد
عند البنات لبسو فساتين قصيره عشان حنه بنات مفيش رجاله تقدر تدخل
عند الشباب جهزو في اوضه واحده لبسو الزي الصعيدي الجلباب والعمه والشال
احمد دخل ليهم:جهزتو ي شباب
الياس:كله تمام ي ابوي
محمد دخل:يلا الناس وصلو والشيخ بداء….مش سامعين يلا عشان نستقبل الناس
الجد دخل بكل هيبه:والله انا مش مصدق اني هعيش واشوف اللحظه دي وعيونه اتملت دموع
بلال راح عنده وحضنه
الجد حضن بلال:ابوك لو كان عايش كان هيفرح ليك جوي بيوم زي دا ربنا يرحمه ي ولدي
بلال بدموع:وحشني جوي ي جدي سابني في اكتر وقت محتاجه فيه انا وشاهيناز
احمد:وانا روحت فين ياض دا انا ابوك مش عزت سامع،.انا الي مربيك انتا واختك
شريف بتدخل:ربنا يرحمه وحد الله كدا وبلاش نقلب اليوم نكد من اوله يلا ي شباب
الجد نزل أول واحد وراه احمد ومحمد وراه محمد الاربع شباب صف
فاطمه طلعت بالبخور ليهم:الله واكبر الله واكبر عليكم ربنا يحفظكم بحفظه
الياس باس راس امه هو وبلال وشريف باس ايدها هو ولؤي وخرجو….أول م خرجو طلق النار في السما والفرحه عمت المكان
بدأت الشباب يستقبلو الضيوف وفقرات شغاله و مداحين وشيوخ وتنوره وشباب من البلد بترقص صعيدي
(عند البنات)
واحده من الضيوف:فين البنات