قاسم بلطف : إسألي يا اوليان..
أوليان بإستغراب : هو انت اتصرفت مع رسلان ازاي؟
قاسم بعدم فهم : إزاي يعني ايه..؟
أوليان بحرج بعد ما وصلت السرير : يعني.. انا عارفه ان مش من حقي أسال انت هتتصرف ازاي.. بس انا خايفه يستغل اي حاجه ضدك ويأذيك بسببي ، هو قالي ان انت مش هتقدر تمنعه يعملي حاجه.. وده اكبر دليل انه في غرفتي وانت مش عارف..
قاسم بقوه : طب يعملها بس.. وأنا أقطعله ايده ، كون اني معرفتش بدري بسبب انه مش راجل وبيتسلل زي الحراميه لبيوت الناس ، وبيمد ايده عليكي عشان عارف ومتأكد انك مش هتقدري تضريه بحاجه وخاصة انه بيأثر عليكي
لما تشوفيه بتفكري كل اللي حصل معاكي … وكمل بحنان : انا وعدتك يا أوليان ان مش هتصرف من غير ما آخد رايك اتفقنا؟
بصتله بنظره فيها تقدير ، وهزت راسها وقالتله : انت عارف ان بكلامك ده بتخليني اندم ان مسمعتش كلامك؟..
بصلها بإبتسامه وكان هيرد بس دخل الدكتور هو والممرضه..
رواية غرام قاسم كاملة جميع الفصول
ساعدتها الممرضه عشان تستلقي على السرير ويبدأ الفحص..
قاسم لف وشه الناحيه التانيه.. وبدأ الدكتور فحصه..
بعد ما خلص الدكتور بعد دقائق طويله..
سالته أوليان بلهفه والدموع ماليه عيونها خا’يفه من تحطيم آخر امل ليها : ها يا دكتور ايه الأخبار..؟ أرجوك قولي..
قاسم لما سمعها بتقول كده لف وبص ليهم.. وقرب من الدكتور وهو بيقول بقلق ظاهر عليه : في ايه يا دكتور طمن قلبنا بالله عليك ..؟
الدكتور :……………
أوليان نزلت دموعها بصدمه وهي بتكتم شهقاتها وبتبص لقاسم………
يتبع…