أوليان ضغطت على كفه.. وهي بتسند راسها على كتفه ومستمتعه بصوت البحر حواليها والهدوء المحيط بيهم..
اتنهدت وهي بتسأله : انت ممكن تتجوز عليا؟
قاسم بخبث وهو بيتلاعب في الكلام : مش متأكد.. بس ليه بتقولي كده!
أوليان بصوت ضعيف : انا خايفه من حاجه..
قاسم وهو بيحاوط كتفها : قوليلي كل اللي شاغل بالك.. انا دايماً هكون سامعك!
أوليان حاوطت خصره بدراعها : نفسك في ايه يا قاسم؟
قاسم بهدوء : اعيش عمري كله معاكي..
أوليان غمضت عيونها بتأثر وهي بتقول : وايه كمان؟
قاسم بهدوء وخفوت : نفسي في اطفال منك انتي.. يكونوا شبهك في كل حاجه..!
أوليان فتحت عيونها اللي اتملت بالدموع : مش خايف من حاجه..؟
قاسم وهو بيفرك كتفها بحركات دائريه : لا.. كل اللي خايف منه انك تضيعي من ايدي..
أوليان بصتله واتفاجئ بدموعها..
أوليان وهي بتهمس بصوت ضعيف وبتبص لوشه القريب من وشها : انا خايفه اني مقدرش اخلف..
قاسم باس أرنبة انفها بخفه.. وهو بيمسح على خدها وبيهمس لها : وليه بتقولي كده؟
أوليان انتبهت على وضعهم وأنهم في الشارع.. فحطت راسها على كتفه تاني وهي بتقول : انت مش فاكر الدكتور قال ايه؟