مفيش يا بابا بس انت عارف ضغط الشغل
طبع قبلة حنونه على قمه راسها بود
:عارفه يا نور انتي ربنا هيرزقك بواحد ابن حلال علشان انتي بميت راجل… انا بقيت زي الكرسي في البيت دا حتى مش قادر اصرف عليكي انتي و اخواتك وانتي اللي شايله البيت و كل حاجه على دماغك
من يوم ما تعبت و انتي اللي شايله كل حاجه علشان كدا ربنا هيكرمك و بكرا تقولي ابويا قالي
نور بحده:
اولا انت هنا الكل في الكل و بلاش الطريقه دي يا برنس…. ربنا يحفظك لينا يا بابا هو انا اسوي من غيرك و بعدين ما انت كبرتني و خلتني شاحطه اهو و لو على الشغل فأنا اتعودت خالص
سالم بود :انتي تعرفي الاستاذ دا؟ على فكرة طلب ايديك مني؟
نور بخفوت:دا دا صاحب المصنع اللي اشتغلت فيه ايام العيد شفته كم مره
بس موضوع الجواز دا انا مش بفكر فيه و بعدين دا مش شكلنا يابابا و حياته مش زي حياتي
تفتكر لو قلتله هات اهلك و تعالي اطلبها مني هيجيبهم معتقدش
انا حاسه بالضياع يا بابا محتاجه حضنك
ابتسم بحنان وهو يجذبها لاحضانه يربت على ظهرها بحنان
:شكله شاريكي يا نور… انا شايف انك تفتكري يا بنتي طريقته بتقول انه ابن عيلة متربي
اغمضت عيناها وهي تتشبث في قميص والدها بداخلها صراع حاد
يتبع…
صوت طرقات بسيطه على الباب
خرجت زينب من المطبخ و هي تضع حجاب على شعرها قبل أن تدلف للصالون
فتحت الباب، ارتسم علي شفتيها ابتسامه هادئه
زينب بود:
:اتفضلي يا ماما
دخلت حياء و اغلقت زينب الباب خلفها
:كنت لسه هنزل بس كنت بغسل هدوم معليش و الله كنت هغير و انزل لحضرتك